دجرمنی خلک امریکا له روسیې زیاته خطرناکه ګڼی
-
دجرمني څلور اویا(۷۴) فیصده خلک داعش ډله او اته څلویښت(۴۸) فیصده نور بیا دشمالي کوریا اټومي کړکیچ د خپل هیواد پرضد ترټولو مهم ګواښ ګڼي .
زمونږ خبریال وایی دجرمنی ښاریز باوری دی چې د نړیوالې سولې لپاره د امریکا ګواښ په دې زمینه کښې د روسیې له ګواښ څخه ډیر زیات دی .
د دوه زره اتلسم (۲۰۱۸)میلادی کال امنیتی راپور چې په برلین کښې خپور شوی دی په ډاګه کوی دجرمنی ښاریز ځکه امریکا له روسیې څخه زیات د نړیوالې صولې لپاره ګواښ ګنی چې ولسمشر ډونالډ ټرمپ په واک کښې دی .
ددغه راپور پراساس دجرمنی څلور اویا(۷۴) فیصده خلک داعش ډله او اته څلویښت(۴۸) فیصده نور بیا دشمالی کوریا اټومی کړکیچ د خپل هیواد پرضد ترټولو مهم ګواښ ګڼی .
دجرمنی اوه دیرش(۳۷) فیصده نور خلک بیا باوری دی چې د روسیې او د اوکراین ترمینځ تاوتریخوالی د جرمنی لپاره ترټولو ستر ګواښ دی .
د جرمنی د لوړ مدیریت او د ستراتژیک مرکز څیړاند رناتا کوچر (Renata Koecher) د نظر سنجیو پایلو ته په اشارې سره امریکا ته دجرمنی د خلکو منفی کتنه د امریکا د ولسمشر ډونالډ ټرمپ د سیاستونو له کبله وبلله او ویې ویل په تیر یوه نیم کال کښې دامریکا مقام او حیثیت ډیر غورځیدلی دی .
