ترهګرو دسوریې په پلازمینې حملو ته دوام ورکړی
-
د سوریې دباندنیو چارو وزارت دترکیې دپوځي عملیاتو په غندلو سره هغه د خپل هیواد دملي واکمنۍ خلاف ورزۍ بللي ده .
مهر خبری اژانس د سوریې د سانا خبری اژانس په قول راپور راکړی په پلازمینې دمشق باندې د تکفیری ترهګرو د هوانونو د حملو په دوام کښې پرون په الدویعله سیمې بیا بریدونه وشول چې مرګ ژوبلې او مالی تاوانونه یې درلودل .
دسوریې د پلازمینې دمشق په بیلابیلو سیمو له غوطه شرقی سیمې څخه د ترهګرو ډلو په تیرې شنبې ورځ هوان ډزو کښې هم درې(۳) ملکی خلک وژل شوی او کابو شپیته(۶۰) نور ژوبل شوی وو .
د سوریې عسکرو ددمشق په غوطه شرقی سیمه کښې د ترهګرو دمرکزونو پرضد ځمکنی عملیات پیل کړی او جنګی الوتکې هم دغوطه شرقی په شاوخوا ښارګیو کښې دترهګرو په مرکزونو بمبارې کوی .
دسوریې حکومتی سرچینو ویلی دی دجنګ په ډګرونو کښې د ترهګرو په ماتی سره په تیرو څو میاشتو کښې په هستوګنه سیمو د ټروریسټانو حملې زیاتې شوی دی .
ترهګر دسوریې دپلازمینې دمشق په غوطه شرقی سیمه کښې شتون لری او له دغه سیمې هره ورځ ددمشق په مختلفو سیمو د هوانونو ډزې کوی او له کبله یې یوشمیر خلک وژل کیږی او ژوبلیږی .
د سوریې په عفرین کښې په الریحانیه کلی د ترکیې دپوځ دبمباریو له کبله پینځه(۵) ملکیان ووژل شول .
دسوریې په شمال کښې په عفرین ښار کښې د زیتون دڅانګې په نوم دکردانو پرضد دترکیې دپوځ عملیات د روان میلادی کال د جنورۍ دمیاشتې له شلمې(۲۰) نیټې راهسې پیل شوی .
د سوریې دباندنیو چارو وزارت دترکیې دپوځی عملیاتو په غندلو سره هغه د خپل هیواد دملی واکمنۍ خلاف ورزۍ بللی ده .
