له ترهګرو سره اړیکې غوڅول د پاکستان په ګټه ده

زمونږ خبریال وایی په پاکستان کښې دامریکا پخوانی سفیر ریچارډ اولسن له یوې بهرنۍ راډیو سره په مرکه کښې وویل وویل ټولو وسله والو ډلو یو نه یووخت د پاکستان او ددغه هیواد دخلکو دګټو پرضد اقدامات کړی دی او ځکه خو له دغو ټروریسټی ډلو سره د اړیکو غوڅول د پاکستان په ګټه دی .

هغه وویل په سیمه کښې د ترهګرو ډلو ترمینځ له یوبل سره د ملګرتیا کولو ګروهنه شته او ځکه خو د ښو او دبدو ترهګرو ترمینځ فرق کول مشکل کار  دی .

په پاکستان کښې دامریکا پخوانی سفیر ریچارډ اولسن وویل که چیرې اوس ما خپل سیاست چلولی نو پاکستان ته د خبرداری د ورکولو پرځاې مو د امریکا او دپاکستان ترمینځ په لوړه سویه او په پټ ډول د خبرو اترو هڅه کوله .

هغه وویل په سیمه کښې د امنیت لپاره ترټولو ښه هیله د افغانستان د حکومت او دطالبانو ترمینځ دسیاسی حل لارې په لټولو کښې ده .