د ایران پرضد د وارسا دغونډې سخته ماتی :-

د پولینډ په پلازمینې وارسا (Warsaw)کښې د دوه(۲) ورځې غونډې په ختمیدا سره کابو ټول غبرګونونه چې ددغه غونډې په هکله وشول نوموړی غونډه ماتی خوړلی او دامریکا څنګ ته کیدل پیاوړی کیدل ګڼی .

د پولینډ پلازمینه وارسا په تیرې چهارشنبې او پنجشبې ورځو په مینځنی ختیځ کښې د سولې او د امنیت دراتلونکی په نوم سره د یوې (۱)غونډې کوربه وه .

په داسې حال کښې چې لومړۍ ټاکل شوی وه د وارسا دوه(۲) ورځنۍ غونډه د ایران پرضد  وی خو حتی ددغه غونډې په پاییزې بیانیې کښې د ایران نوم ته هم   کومه اشاره ونشوه .

امریکا د اویا(۷۰) هیوادونو خارجه وزیران د وارسا په غونډې کښې ګډون ته وربللی وو خو د اروپایی اتحادیې په شمول اکثرو هیوادونو یا په دغه غونډې کښې ګډون کول رد کړل یا یې په ټیټه سویه ګډون وکړ .

اکثره هیوادونه ، شخصیتونه او رسنۍ د وارسا غونډې ته په غبرګون کښې هغه ماتی خوړلی کانفرنس ګڼی .

په ملګروملتونو کښې  د روسیې دائمی استازی واسیلی نبنزیا د وارسا غونډه ارزښت نلرونکی وبلله او ویې ویل روسیې د وارسا په بې ارزښته غونډې کښې چې د ایران پرضد یوه(۱) غونډه وه ګډون ونکړ .

دامریکا اسټراټفور (Stratfor) دفکر کوټې په یوه(۱) راپور کښې  وویل د وارسا غونډې د سپینې ماڼۍ لپاره هیڅ نتیجه نلرله او دغه غونډه د مینځنی ختیځ ته په اړونده مسائیلو کښې د نظر د یووالی او دپیوستون دپیاوړی کولو پرځاې د امریکا او دهغې دمتحدانو ترمینځ د نظر په اختلاف ټینګار وو .

دچین ګلوبل ټایمز ورځپاڼې هم د وارسا غونډه  د ماتی خوړلی کانفرنس په توګه یاد کړ او ویې ولیکل د چین  کارپیژاندی باوری دی دا د امریکا دولسمشر ټرمپ لپاره یو ستر درس کیدلای شی چې د ایران په هکله په خپلو غلیمانه سیاستونو کښې بیا کتنه وکړی .

دقطر الجزیرې ټیلی ویژن هم په یوې (۱)شننې کښې ولیکل د وارسا په غونډې کښې د کم شمیر هیوادونو ګډون ددې ښودنه کوی  کله چې موضوع له فلسطین او ایران سره اړوندیږی نو ډیر هیوادونه په داسې غونډو کښې ګډون کولو ته تیار نه دی .

ددغه راپور په دوام کښې راغلی دی دا چاره د ایران او د فلسطین پرضد د سیاستونو په غوره کولو کښې دامریکا دحکومت دڅنګ ته کیدا نښه ده .

واشنګټن پوسټ ورځپاڼې هم په یوه (۱) راپور کښې د وارسا په غونډې کښې د لویدیځو هیوادونو د بهرنیو چارو د وزیرانو نه ګډون د ایران په هکله د امریکا او د هغې داروپایی متحدانو ترمینځ د اختلاف نښه وبلله .

دلبنان المیادین ټیلی ویژن هم د وارسا دغونډې په هکله وویل له هغو سیاسی امتیازونو سره سره چې سپینې ماڼۍ اروپایی هیوادونو ته ورکړل واشنګټن ونه توانید د اروپا مشران د وارسا په غونډې کښې ګډون ته راضی کړی او فرانسې ، جرمنی او  اروپایی اتحادیې په دغه غونډې کښې له ګډون کولو ډډه وکړه .

دامریکا پولیټیکو(Politico) اینټرنیټ پاڼې هم په یوه() راپور کښې د وارسا دغونډې په ماتی د اعتراف په ترڅ کښې ټینګار وکړ ټاکل شوی وه چې د وارسا غونډه  د واشنګټن څنګ ته کیدل پیکه وښی خو اپوټه دغه غونډې د امریکا زیات څنګ ته کیدل نندرې ته وړاندې کړل .