د هند واکمن ګوند د پارلمان زیاتې څوکې ګټلی دی
-
د هند دکانګرس ګوند مشر راهول ګاندي پرون د پارلمان په انتخاباتو کښې خپله ماتي ومنله .
فارس خبری اژانس وایی دهندوستان د واکمن بی جی پی ګوند تر مشرۍ لاندې ائتلاف نیشل ډیموکراټیک الاینس د پارلمان له پینځه سوه دوه څلویښت(۵۴۲) څوکیو څخه درې سوه نهه څلویښت(۳۴۹) څوکۍ وګټلې .
د هندوستان لومړی وزیر ناریندرا مودی پرون د پارلمان په انتخاباتو کښې دخپل ګوند دبریالیتوب کتونکی وو او بی جی پی ګوند وتوانید د پارلمان له نیمایی څخه زیاتې څوکې وګټی .
د هندوستان واکمن بی جی پی ګوند د۲۰۱۴ میلادی کال په انتخاباتو کښې هم دوه سوه دوه اتیا(۲۸۲) څوکۍ ترلاسه کړی وې .
له ۱۹۸۴ میلادی کال راپدیخوا تراوسه دهندوستان هیڅ سیاسی ګوند نه دی توانیدلی د پرله پسې دوهم (۲) ځل لپاره د پارلمان اکثره څوکۍ وګټی .
د هندوستان د پارلمان په انتخاباتو کښې کانګرس ګوند تر مشرۍ لاندې ائتلاف یونایټیډ پراګریسو الاینس هم د دوه اتیا (۸۲)څوکیو په ګټلو سره په دوهم لمبر کښې ورغلی دی .
د هند دکانګرس ګوند مشر راهول ګاندی پرون د پارلمان په انتخاباتو کښې خپله ماتی ومنله او زیاته یې کړه دهیواد خلکو فیصله وکړه چې ناریندرا مودی لومړی وزیر شی او زه به دخلکو ددغه نظر احترام وکړم .
