کابل: د هند او چین سرحدي جنجال نه غواړو
د دغو دوو ګاونډیو هیوادونو ترمنځ د یادې پېښې تر رامنځته کېدا وروسته دواړو هیوادونو پخپلو پولو کې زرګونه عسکرځای پر ځای کړل.
دافغان رسندویو له راپور سره سم د افغانستان د بهرنیو چارو وزارت د هند او چین ترمنځ د وروستي رامنځته شوي سرحدي کړکېچ په اړه اندېښنه ښودلې او د خبرو له لارې د یادې مسئلې د هواري غوښتنه یې کړې ده.
د جون پر ۱۵مه د همالیا په سرحدي سیمه کې د هند او چین د سرحدي عسکرو ترمنځ رامنځته شوې نښتې له امله د هندي چارواکو په وینا دواړو لورو ته تلفات اوښتي خو چین وایی چی د دوی عسکرو ته کوم تاوان ندي رسیدلی دی اوپه دغه نښته کې شل هندی عسکر وژل شوی دي .
د دغو دوو ګاونډیو هیوادونو ترمنځ د یادې پېښې تر رامنځته کېدا وروسته دواړو هیوادونو پخپلو پولو کې زرګونه عسکرځای پر ځای کړل.
د افغانستان د بهرنیو چارو وزارت په اعلامیه کې د دواړو هیوادونو ترمنځ رامنځته شوي نښتې ته په اشاره ویل سره شوي ،د دې پېښې پایلې د سیمې او نړۍ په ګټه نه دي.”
د افغانستان د بهرنیو چارو وزارت هیله ښودلې چې هند او چین دواړه را ولاړې شوي ستونزې د تفاهم او ښه ګاونډیتوب له مخې حل کړي.
هند او چین خپلو کې ۳۵۰۰ کلیومتره ګډه پوله لري، د هند پوځ ویلي چې د وضعیت سمېدو په هدف د داوړو لورو ترمنځ په سرحدي سیمه کې مذاکرات پيل شوي دي.
تر اوسه د دغو مذاکرات نتایج نه دي روښانه شوي.
