چین او روسیه د یوه بل د ګټو خیال ساتي
د دواړو هیوادونو اړیکې په اوسمهال کې باید د لورو د اړتیاؤ ځواب ویونکي شي .
ایرنا خبری اژانس راپورورکړ ، د چین او روسیې ولسمشرانو شی جین پینګ او ولادیمیر پوتین په ټيلیفوني تماس کې سره ، د ملګرتیاؤ د پراختیا ، له یوه بله د پریکنده ملاتړ او د هرډول بهرنیو لاسوهنو د ردولو په باب مشورې او د نظر تبادلې کړي .
راپورښئ د چین ولسمشر په دغه ټيلیفوني تماس کې وئيلي دي ، هیواد ئې تیار دی له روسې سره ملګرتیا وکړي ، څو د یوه بل حاکمیّت ،امنیت اوپراختیا په ښه ډول وساتل شي او د یوه بل ګډې ګټې محفوظې شي .
شي جین پینګ په دې خبرې په ټينګار سره چې چین اوروسیې د کرونا ویروس دخوریدا په ترټولو سختو شیبو کې د یوه بل ملاتړ کړی دی زیاته کړې ، ددواړو هیوادونو اړیکې په اوسمهال کې باید د لورو د اړتیاؤ ځواب ویونکي شي .
دروسیې ولسمشر ولادیمیر پوتین هم په دغه تماس کې وئيلي دي هیوادئې په سیمې کې په تیره بیا په هانګ کانګ کې د ملي امنیت د ساتنې لپاره د چین د هلوځلو بشپړ ملاتړ کوي . پوتین دهانګ کانګ سیمې دملی امنیت د قانون په ملاتړ سره ټينګار کړی ، روسیه له هغو ډول ډول لمسونکو اقداماتو سره چې د چین دحاکمیّت خلاف ورزي کوي ،کلکه مخالفه ده .
