امریکا د افغانستان په باب هره کیدونکې فیصله متحدانو سره شریکوي
طالبانو امریکا د ژمنو په خلاف ورزۍ تورنه کړې او ګواښ ئې کړی ،چې که د قطر د موافقې مقابل لوری خپلې ژمنې پوره نه کړي ، نو په افغانستان کې به د یوه نوي خطرناک جنګ پلونکي وي او بیا ئې به کنټرولول د دوي په اختیار کې نه وي .
زمونږخبریال راپورر اکړ د امریکا د بهرنیو چارو وزیر آنتوني بلېنکن یو ځل بیا د افغانستان د جګړې په پای ته په رسولو ټینګار کړی او وئيلي ئې دي ، هره پریکړه چې متحده ایالات ئې کوي ،د ناټو له غړو متحدانو سره به ئې شریکه کړي ،
داپه داسې حال کې دي چې دناټو موسیسې عمومی منشي څه موده مخکې له افغانستانه د امریکائي عسکرو په ویستلو داندیښنې په څرګندولو سره وئيلی وو ، امریکا باید دناټو موسیسې غړي هیوادونه له افغانستانه د پوځیانو د ویستلو په فیصلې کې شریک کړي ،ځکه افغانستان ته یو ځاي تللي او باید یو ځاي ورځیني ووځو .
د امریکا خارجه وزیر آنتوني بلېنکن دغه څرګندونې نن سهار وختي په بروکسل کې د ناټوموسیسې دغړو هیوادونو دخارجه وزیرانو د غونډې تر پیلېدو مخکې په لنډو خبرو کې کړي او ویئلي ئې دي ،امریکا د افغانستان د وروستیو بدلونونو په باب غور پیل کړی او دلته په بروکسل کې هم غواړي چې له خپلو متحدانو سره خپل لومړني نظریات شریک کړي او هم په دې اړه د خپلو متحدانو نظرونه واوري .
داپه داسې حال کې دي چې امریکا په قطر کې له طالبانو ډلې سره موافقه کړې چې ترمئ میاشت پورې به له افغانستانه خپل پوځیان وباسي، خو بیا د جوزف بایډن نوي حکومت د ټرمپ دغه فیصله رد کړې او وئيلي ئې دي ،له افغانستانه فی الحال د پوځیانو د ویستلو کومه اراده نه لري ، چې دغې چارې د طالبانو ډلې غوسه راپارولې او طالبانو امریکا د ژمنو په خلاف ورزۍ تورنه کړې او ګواښ ئې کړی ،چې که د قطر د موافقې مقابل لوری خپلې ژمنې پوره نه کړي ، نو په افغانستان کې به د یوه نوي خطرناک جنګ پلونکي وي او بیا ئې به کنټرولول د دوي په اختیار کې نه وي .
