په وروستیو بلواګانو کې د انقلاب ضد ډلګیو او بهرنیو لاس وهنې

د دغو بهرنیو دښمنانو په سر کې امریکا هڅه کوی د اینټرنیټ او مجازی فضا پرضد د بایکاټونو د لیری کولو په اړه په ژمنو ورکولو او خپلو لاس وهونکیو دریځونو سره په خپل ګومان دغو بلواګانو ته لمن ووهي خو په بشپړه ماتې سره مخامخ شوه

د مهسا امینی د مړینې په پلمه په ایران کې د وروستیو بلواګانو رامینځته کیدا یوځل بیا سبب شوه چی د اسلامی ایران بهرني دښمنانان هغه د ایران په داخلی چارو کی د لاس وهنې او د بلواګانو د زیاتو لمسولو لپاره د فرصت په توګه استفاده کړي .

په حقیقت کې په وروستیو بلواګانوکې  د امریکا سیاسی مشرانو او ځینو اروپایی مشرانو ، د هغو رسندویو او د لویدیځ د ملاتړ وړ دښمنو فارسي رسندویو له بلوه ګرو او د ملت د امنیت له خرابونکیو په ملاتړ کې ډیرې زیاتې هلې ځلې وکړې خو له نظام  او خپل هیواد په ملاتړکې په واټونو کې د میلیونونو ایرانی ولس شتون باندې یې سترګې پټې کړې. د دې په ترڅ کې چی د منافقینو ، پادشاهی غواړو او کومله او دموکراټ بیلیوتون غواړو ډلګیو او ترهه ګرو ډلګیو په شان انقلاب ضد ډلګیو هم د خپلو ایراني ضد هدفونو پهلړ کې له دغې مسلې د ګټه پورته کولو لپاره ناکامه هڅه وکړه . د ایران د کورنیو چارو وزیر احمد وحیدي د دې خبرې په کولو سره چی اسلامی ایران سترې دسیسې شندې کړي دي ، وویل دښمنانان له بلواګرو په ملاتړ سره غلطې اندازې لګولي دي .

««««««««««««««««««««««««««««««

د دغو بهرنیو دښمنانو په سر کې امریکا هڅه کوی د اینټرنیټ او مجازی فضا پرضد د بایکاټونو د لیری کولو په اړه په ژمنو ورکولو او خپلو لاس وهونکیو دریځونو سره په خپل ګومان دغو بلواګانو ته لمن ووهي خو په بشپړه ماتې سره مخامخ شوه . په دې لړ کې د بایدن دولت دوو لوړ رتبه چارواکو په لاس وهونکیو څرګندونو کې په ایران کی د ناارامیو د لمسون او دوام لپاره د واشنګټن له اقداماتو پرده اوچته کړه د ایران په چارو کی د امریکا ځانګړی استازی رابرټ مالی او د دغه هیواد د خارجه وزیر مرستیالی ونډی شرمین په یو لړ څرګندونو کې اعتراف وکړ چی واشنګټن په ایران کې د ارتباطاتو په حوزه کې د مداخلې لپاره د اقدام په حال کی دی . له دې مخکې امریکا د ایران ځینې ارتباطی بایکاټونه لغوه کړی وو . امریکا چی ۴۰ کاله کیږی په ایران یې بایکاټونه لګولي دي او د ټرمپ له پړاوه د زیات نه زیات دباو او ایراني ولس پرضد سخت ترین بایکاټونه اجرا کړی دی اوس د ایرانیانو لپاره د زړه سواندي ادعا کوی او د ځینو بایکاڼونو د کمولو خبره یې کړی ده ، هغه مسله چی حتی امریکایی کارپیژاندو هم پرې ملنډې وهلي دي . یو مطرح امریکایی خبریال او لیکوال ګلن ګرینوالډ وایی هرڅوک چی عقل سلیم ولري که په نورو هیوادونو کی د خلکو له سیاسی حقوقو د دفاع او یا ځپلو د غوسې په اړه  د واشنګټن بیانیې جدی وبولي ، نو په بهترین حالت کی ویلې شو چی ډیر ساده به وی .

«««««««««««««««««««««««««««««««

د ایران د خارجه وزارت ویندوی ناصر کنعاني د ارتباطاتو په حوزه کی د ځینو بایکاټونو په اړه د امریکا حکومت د اقدام په غبرګون کی په ټویټر کې ولیکل  امریکا تل د ایران د امنیت او ثبات په کمزوری کولو پسې ده او البته ناکامه شوی ده . د څو ارتباطي بایکاټونوپه کمولو سره او په عین حال کی د زیات نه زیات دباو په ساتلو سره امریکا په منافقانه ډول ایران پرضد د خپلو هدفونو په پرمخ بوتلو پسې ده .

کنعاني وایی بی شکه د ایراني ملت پرضد د دښمنانو ترکیبی او شناختی جنګ دې ځل هم د هغو د سلګونو شرمونکیو ماتو دوسیو په څنګ کې په تاریخ کې ثبت شي .

مهم ټکی دا چی واشنګټن له دې سره سره چی له دې مخکې د ۱۳۸۸ کال په پیښو کې له فتنه پالو په ملاتړ کې ماته خوړلی وه خو په وروستیو بلواګانو کی هم له بلواګرو په ملاتړ کې چی د ډیرو  مالی او ځانی تاوانونو سبب شول ، په رسمی دریځونو سره ژمنه وکړه چی به له اینټرنیټ سره اړونده بایکاټونو د لیری کولو په زمینه کې د ملاتړونو په شمول نور ملاتړونه هم وکړي .

د پوهنتون استاد سیامک باقری د دغې پوښتنې په ځواب کی چی امریکایان په ایران کی له فتنه پالو په ملاتړ کې له ماته خوړلیو تجروبو او خلکو له لوری د دغو تاکتیکونو له نه منلو سره سره په کومه هیله بیا له بلواګرو ملاتړ کوی ؟ وویل امریکایان له دې سره سره چی دغه موضوع یې بیا بیا تجروبه کړی ده خو تراوسه د ایران له خلکو سمه پیژندنه او شناخت نلری .

««««««««««««««««««««««««

هغه مسله چی د وروستیو بلواګانو په اړه یوځل بیا جوته شوه ، له بلواګانو د اروپایی اتحادیې په شمول د لویدیځ کلک ملاتړ او د بلواګانو د پراختیا لپاره د بلواګرو لمسول دی . په دې لړ کی د ایران په داخلی چارو کی د لویدیځو چارواکو له بیا بیا لاس او په نړیوال ډګر کی د اسلامی ایران د هدف ګرځولو لپاره له وروستیو بلواګانو استفادې وروسته اروپایی اتحادیې د تهران پرضد د اقدام خبر ورکړ . د اروپایی اتحادیې د بهرنی سیاست مسول بورل مدعی شو دغه ادتحادیه د عمومی امنیت او نظم د ګډوډونکیو او بلواګروپرضد د ایران روا امنیتی او قانونی اقداماتو ته غبرګون ښی . بورل په یوه بیانیه کی له ایرانی ولس د ملاتړ ژست په نیولو او همداراز له بلواګرو په ښکاره دفاع کی وویل اروپایی اتحادیه د ایران پیښو ته د ځواب ورکولو لپاره د مختلفو ټاکنو د جاجولو په حال کی ده . هغه ادعا وکړه د خارجه وزیرانو د غونډې په درشل کی اروپایی اتحادیه د مهسا امینی د مړینې او همداراز له هغه وروسته اعتراضاتوته د ایران د امنیتی عسکرو د غبرګون د څرنګوالي لپاره د ټولو ټاکنو جاجولو ته دوام ورکوی . له دې مخکې هم د اروپایی اتحادیې ویندوی پیتر استانو د خبریالانو د پوښتنې په ځواب کی ویلی وو د اروپا کمیشن تراوسه نه پوهیږی چی ایا ایران پرضد به نوی بایکاټونه اعمال شي یا نه . په دې ډول اروپایان د واشنګټن د رضایت د جلبولو په لړ کی د خپلو ګټو په لړ کی له ایران سره د اړیکو د ښه کولو په ځای ګواښ ته مخه کړی او تهران د نویو بایکاټونو په لګولو ګواښی .

د برازیل مشهور کارټونسټ کارلوس لاتوف د ایران د بلواګانو په غبرګون کی ولیکل دوکه نشئ ایا واقعا فکر کوئ چی لویدیځوال د ایرانی میرمنو په حجاب اندیښمن دي ؟هغه څه چی واشنګټن او متحدان یې غواړي د ایران بی ثباته کول دي .

«««««««««««««««««««««««««««««««««««««««

په ایران کی د وروستیو بلواګانو د ډګر یو بل بهرنې لوبغاړې صیهونیسټ رژیم دې چی هڅه کوی له  خړو اوبو کب ونیسی  او په خپل ګومان د ایران خلک د مهسا امینی د مړینې په پلمه بلوې او ګډوډی ته وبولي . په داسې حال کی چی دغه رژیم د نړیوالو ټولنو په اعتراف د بشری حقوقو تر ټولو ستر خلاف ورزۍ کونکې دې او ډیر کلونه کیږی چی په غزې او نیواکی ټاټوبیو کې د ماشوم وژنې او بی دفاع خلکو په بی رحانه وژلو سره د نړۍ د ټولو خلکو له نیوکو سره مخامخ دې ، په ایران کی له وروستیو بلواګانو د ازادی په نوم ملاتړ کړی دی . اسراییل په غزې کې د تاریخ د تر ټولو ستر زندان د بنسټ ګر او د فلسطینی ولس د قتل عام په توګه په یوه بیانیه کی ادعا وکړه چی د ایران د خلکو تر څنګ ولاړ دې او له نړیوالې ټولنې یې وغوښتل چی د  بی ګناه ایرانیانو د تش په نامه ځپل وغندي .

په عین حال کی له اسلامی ایران او د دغه هیواد له غیرتي ملت سره د صیهونیسټ رژیم دښمنی مخنیه داسې چاره نده چی له چا پټه وی . اسراییل په ډاګه دایران له هر ډول پرمختګ سره مخالف دی او د ایټمی پوهانو په ترور او د ایټمی تاسیساتو د تخریب او پههوایی حملې د بیا بیا ګواښولو سره ښودلی ده چی د ایران د خلکو دښمن دې . نو ځکه له بلواګرو ملاتړ هم په حقیقت کی په اسلامی ایران د ګوزار لپاره د دغه جنایتکار رزیم یو بل ګام دې .

«««««««««««««««««««««««««««««««««

د بهرنیو دښمنانو ترڅنګ د انقلاب ضد دلګۍ هم د ایران اینټرنیشنل په شان د فارسی ژبو رسندویو په څنګ کې چی د عربستان په مالی ملاتړ سره خپل ژوند ته دوام ورکوی ، په وروستیو ورځو کې هڅه کړه ده په ایران کی اعتراضات په خپلو ګټه مصادره کړی او په عین حال کی بلواګانو ته لمن ووهی .

د سیاسی چارو کارپیژاندی صادق کوشکی وایی د پردیو ټیلی ویژیونی چینلونه او د هغو په سر کی ایران اینټرنیشنل د نښتو په لور د ټولنې په تیره بیا ځوانانو د ورکس ویلو لپاره پلان شوی او جدی کوشش ترسره کړی دی .

په انقلاب ضد ډلګیو کې د منافقینو د ترهه ګرې ډلګۍ سرغنه مریم رجوی په هغو لومړنیو کسانو کی شامله وه چی د بیانیې په صادرولو سره یې په ایران کی له وروستیو واټیزو بلواګانو ملاتړ ته مخه کړی او هڅه کړی ده چی یو ډول هغه له منافقینو ملاتړ پورې وتړي .

د همدان استان دارۍ  امنیتی او سیاسی مرستیال حسن رضانیا وایی منافقین چی د برتانوی ، امریکایی ، عبری او عربی استخباراتي ادارو لخوا ملاتړ کیدل ، په دغو بلوګانو کی هیڅ ونکړې شول .

د رضا پهلوی په سرغنه توب پاچاهی غواړی ماته خوړلیو ډلو هم چی نه ایرانی ولس ترمینځ عزت او څیره لری او نه حتی د لویدیځو دولتونو له لوری ورته د لوبې فرصت ورکول کیږی ، هم هڅه کړی ده تر څو په دریځ نیونو اوواشنګټن په شمول په نورو ځایونو کی د غونډو په جوړولو سره د دغه هیواد د چارواکو پام ځانته جلب کړی اوپه دې ډول ځان د مهم اپوزیشن په توګه مطرح کړی . په عین حال کی له پاچاهۍ نظام د ایرانی ولس کرکې ته په پام سره  اساسا پاچاهۍ غواړي په  ایران کی هیڅ ځای نلری .

«««««««««««««««««««««««««««««««««««««

د کومله او ډیموکراټ په شان بیلتون غواړو ډلګیو هم هڅه وکړه له رامینځته شوی موقعیت په ناوړې استفادې سره د کرد میشته سیمو په خوا کې د بلواګانو د رامینځته کولو او خلکو په لمسولو سره خپل پوره کوشش وکړی چی البته د هغو دا هلې ځلې ناکامه شوی دي . په دې لړ کې دغو بیلیتون غواړو ډلګیو د اذربایجان غربی او کردستان ولایتونو په ځینو ښارونو کې  له بلواګانو ملاتړ وکړ . ځینو بلواګرو هم په نوموړو ښارونو کې د د بیلتون غواړو ډلګیو له سمبولونو استفاده وکړه . یوې خبرې سرچینې په اذربایجان غربی کې په تیت پرک اعتراضونو کی د کومله او ډیموکرات د یوشمیر عواملو خبر ورکړ اوټینګار یې وکړ چی دغو نفوذي کسانو بلواګانې هدایتولې چی د امنیتی عسکرو په وسیله په استخباراتی اشراف سره ونیول شول . مهم ټکی دا چی د کومله د ترهه ګرې ډلګۍ سرغنه ابراهیم علیزاده د یوه کلیپ په خپرولو سره په ایران کی د وروستیو بلواګانو د اجرا د مخکینی پلانونې او لمسونکیو اقداماتو په منظمونې اعتراف کړې دې .

««««««««««««««««««««««««««««

هغه ټکې چی په پای کی باید ووایو دا دې چی د امریکا په مشرۍ د لویدیځ له څو لسیزو هلوځلو او دسیسو او د منافقینو د ترهه ګرو ډلګیو او انقلاب ضد ډلګیو په جنایتکارانه او نسکورونکیو اقداماتواو په ایران کی بلواګانو او نارارامیو ته د لمن وهلو سره سره  اسلامی ایران تل خپل اقتدار او صلابت ساتلې دې  او د ایران ملت هم په سختو موقعیتونو او حالاتو کې له اسلامی جمهوریت د ملاتړ د اعلانولو په ترڅ کې له هر ډول بلواګانو او ګډوډی رامینځته کولو سره په مقابلې ټینګار کړی دی او په دې زمینه کی یې فعال رول لوبولې دې ، د دې په ترڅ کې چی په ایران کی د وروستیو بلواګانو د پلمې په اړه یعنی د مهسا امینی مړینه هم اړونده چارواکو د بیا تعقیبونې په ترڅ کې ژمنه کړی ده چی د هغې مختلف اړخونه او پایلې د ایران خلکو ته وړاندې کړې .

پای