Irani: Refuzimi i shtetit palestinez nga Izraeli ekspozon fytyrën e shëmtuar të regjimit pushtues
Irani ka denoncuar refuzimin nga Izraeli të një shteti palestinez, duke thënë se ky veprim hedh poshtë pretendimet e mëparshme të regjimit pushtues për paqen me palestinezët dhe zgjidhjen e konfliktit dhjetëravjeçar.
Reagimi erdhi pasi Knesseti (parlamenti) izraelit dhe kabineti izraelit i ekstremit të djathtë të kryeministrit Benjamin Netanyahu përsëritën kundërshtimin ndaj një shteti të pavarur palestinez.
"Ky kundërshtim ekspozoi edhe një herë fytyrën e shëmtuar, si dhe natyrën luftënxitëse dhe pushtuese të regjimit sionist", tha zëdhënësi i Ministrisë së Jashtme të Iranit Naser Kanani të premten në një postim në rrjetin X.
"Qasja mashtruese e regjimit sionist vë në pikëpyetje marrëveshjet e pazbatuara të së kaluarës, si dhe pretendimet false për paqen, të cilat autoritetet sioniste i kishin promovuar përmes gënjeshtrave dhe mashtrimit gjatë dekadave të fundit," tha ai.
Zëdhënësi i Ministrisë së Jashtme të Iranit tha se Izraeli, ashtu si në të kaluarën, synon t'i mohojë popullit palestinez të drejtat e tij të patjetërsueshme dhe të pamohueshme, duke përfshirë vetëvendosjen dhe formimin e një shteti të pavarur në tokën e tij historike.
“Kombi palestinez dhe fraksionet e rezistencës janë të vetëdijshëm për komplotet e liga të sionistëve dhe besojnë se konflikti në vazhdim mund të zgjidhet vetëm përmes krijimit të një shteti të pavarur palestinez me Kudsin si kryeqytetin e tij”, tha Kanani.
