Zëdhënësi i Ministrisë së Jashtme iraniane: Tragjeditë e dhimbshme të Gazës janë një laborator testimi i të drejtave të njeriut
Zëdhënësi i Ministrisë së Jashtme të Iranit tha se tragjeditë e dhimbshme në Gaza në 6 muajt e fundit janë një laborator për matjen e respektimit të qeverive dhe komunitetit ndërkombëtar ndaj të drejtave të njeriut.
Nasser Kanani, zëdhënësi i Ministrisë së Jashtme iraniane, ka shkruar të premten në një mesazh në faqen e tij personale në rrjetin social "X", se tragjeditë e dhimbshme në Gaza në 6 muajt e fundit janë një laborator për matjen e nivelit të respektimit të përgjegjësive njerëzore, morale dhe ligjore, nga ana e qeverive dhe institucioneve ndërkombëtare. Kanani shtoi se lloji i reagimit të vendeve dhe zyrtarëve të qeverive që pretendojnë të drejtat e njeriut ndaj krimit të tmerrshëm të ushtarëve të regjimit të aparteidit të Izraelit në bregun jugperëndimor të Gazës në vrasjen dhe varrosjen e dy të rinjve palestinezë të paarmatosur, tregon qartë se pretendimet e tyre mbi të drejtat e njeriut janë thjeshtë parulla. Sipas statistikave të fundit të Ministrisë së Shëndetësisë palestineze, që nga fillimi i sulmit sionist në Rripin e Gazës, 32.623 persona kanë rënë dëshmorë dhe 75.092 persona janë plagosur. Gjithashtu, në 24 orët e fundit, regjimi sionist kreu 7 sulme, gjatë të cilave 71 persona ranë dëshmorë dhe 112 të plagosur.
