Johnson kërkon nga liderët e G-7 të marrin masa për vaksinimin e popullsisë së botës
Kryeministri i Britanisë ka kërkuar nga liderët e shteteve të grupit G-7 që të zotohen dhe të marrin masa për vaksinimin e të gjithë popullsisë së botës deri në fund të vitit të ardhshëm.
Agjencia e lajmeve Reuters njoftoi se përfundimi i garës së vaksinimit antiCOVID-19 në të gjitha vendet e botës deri në fund të 2022, është angazhimi që kryeministri britanik, Boris Johnson kërkoi nga presidentët dhe kryeministrat e G7-s, të paktën një javë nga samiti që ai do të presë, nën presidencën e radhës së Britanisë së Bashkuara në Cornouailles, në jugperëndim të Anglisë.
“Objektivi është të sigurojmë që një pandemi e tmerrshme si kjo e përjetuar muajt e fundit nga njerëzimi nuk do të ndodhë më kurrë dhe në të njëjtën kohë të ofrojë një udhëzues për rindërtimin post-COVID-19 frymëzuar nga vlerat të demokracisë”, theksoi ai.
