Komiteti i Këshillit të Sigurimit nuk arriti një konsensus për anëtarësimin e plotë të Palestinës në Kombet e Bashkuara
Një komitet i Këshillit të Sigurimit të OKB-së që shqyrtoi kërkesën e Palestinës për anëtarësim të plotë nuk mundi të arrijë një konsensus mbi këtë çështje.
Sipas IRNA, Reuters raportoi të martën se në raportin e Komitetit të Këshillit të Sigurimit për pranimin e anëtarëve të rinj, i cili u pa nga kjo agjenci e lajmeve, thuhet: Ky komision nuk mundi të arrinte konsensus për propozimin për t'ia paraqitur Këshillit të Sigurimit edhe pse kjo kërkesë i plotëson të gjitha kriteret e anëtarësimit. Vanessa Fraser, kryetarja e përkohshme e Këshillit të Sigurimit, njoftoi të premten e kaluar se anëtarët e komitetit special për shqyrtimin e anëtarëve të rinj në Kombet e Bashkuara nuk mundën të arrijnë një konsensus për anëtarësimin e plotë të Palestinës në këtë organizatë ndërkombëtare. Palestina tani është një vëzhgues i përhershëm në Kombet e Bashkuara. Palestina aplikoi për anëtarësim të përhershëm në Kombet e Bashkuara në vitin 2011, por më vonë vendosi të mbetet si vëzhgues i përhershëm për disa kohë. Në prill, Palestina i dërgoi një letër Këshillit të Sigurimit të OKB-së duke kërkuar që ajo të rishqyrtonte anëtarësimin në OKB si një anëtare e përhershme.
