Панҷ медали рангоранг - ҳосили талоши бонувони эронӣ дар «Драгонбут»-и Ҷоми ҷаҳонии Чин
Бонуҷони эронӣ дар мусобиқоти «Dragon boat»-и Ҷоми ҷаҳонии Чин панҷ медали рангоранг касб карданд.
Ба гузориши ИРНА, тими «Dragon boat»-и бонувони халиҷи Форси Эрон дар рақобати финали «Dragon boat»-и ҳаштнафараи 500 метр бо тимҳои Филиппин, Гон-Канг, Малайзия ва тими аввалу дувуми Чин рақобат кард ва дар поён бо замони 2: 23. 581 дақиқа болотар аз руқабо дар радаи нахуст истод ва аввалин медали тиллои худро дар рақобатҳои Ҷоми ҷаҳонии Чин касб кард.
Дар мусобиқаи финали «Dragon boat»-и даҳнафараи 500 метр ҳам бонувони тими халиҷи Форси Эрон бо ду тим аз Чин ва тимҳои Гонг – Конг, Филиппин ва Малайзия рӯ ба рӯ шуд ва дар поён бо замони 2: 26. 347 дақиқа пас аз намояндаи Чин дар радаи дувум истод ва соҳиби медали нуқра шуд.
Дар рӯзи поёнии мусобиқоти «Dragon boat»-и Ҷоми ҷаҳонии Чин ҳам тими Оваши халиҷи Форс соҳиби як тилло ва як нуқраи дигар шуд.