Санади ҳамкорӣ байни шаҳрдории Машҳад ва Душанбе имзо шуд

Шаҳрдори Машҳад гуфт, санади ҳамкорӣ байни шаҳрдории Машҳади Эрон ва Душанбеи Тоҷикистон дар ростои тавсеаи дипломатияи шаҳрӣ бо кишварҳои форсизабон имзо шуд.

Муҳаммадризо Қаландар рӯзи чаҳоршанбе дар гуфтугӯ бо хабарнигори ИРНА афзуд, дар қолаби ин санади ҳамкорӣ қарор аст судури хадамоту табодули таҷриба дар заминаи тарҳҳои ҳушманд ва хадамоти шаҳрӣ барои тавсеаи пойдор сурат гирад ва ба таври қатъӣ дар ин масир аз зарфиятҳои бахши хусусӣ ва паймонкорони бумӣ низ баҳра гирифта хоҳад шуд.

Вай изофа кард, бо тавваҷуҳ ба зарфиятҳои густардаи мавҷуд дар Машҳад, клоншаҳрҳои кишварҳои минтақа тамоюл ба баҳрагирӣ аз таҷориби мудирияти шаҳрии Машҳад дар ҳавзаҳои мухталиф, аз ҷумла судури хадамоти фаннӣ, муҳандисӣ ва гардишгарии саломатро доранд.

Шаҳрдори Машҳад гуфт, дар ин росто ҷаласоти зиёди густариши ҳамкорӣ дар моҳҳои ахир аз сар гирифта шуд ва иқдомот барои густариши равобит бо кишварҳои ҳамсоя дар дасти пайгирӣ аст.

Қаландар таъкид кард, густариши дипломатияи шаҳрӣ тавсеа дар ҳавзаҳои мухталифро рақам мезанад.

Шаҳри Машҳад дорои 13 минтақаи шаҳрӣ аст ва ҳудуди як сеюм аз ҷамъияти севуним миллионии ин калоншаҳр дар ҳошияи шаҳр сукунат доранд.