Pars Today

Сухангӯи Вазорати умури хориҷаи Эрон хотирнишон кард, фурӯши силоҳ ба мутаҷовизон барои куштори мардуми бегуноҳ дар минтақа, ба вижа дар таҷовузи нобаробар ва зиддиинсонии Арабистон ба Яман, бо иддаоҳои нахуствазири Британия созгорӣ надорад.

Ба гузориши хабаргузории Садо ва Симо, Баҳроми Қосимӣ бомдоди панҷшанбе дар вокуниш ба иддаоҳои Тереза Мэй дар Арабистони Саудӣ, ки Ҷумҳурии Исломии Эронро ба эҷоди бесуботӣ дар минтақа муттаҳам карда буд, гуфт: “Мутаассифона, ин нахустин бор нест, ки нахуствазири Британия дурӯғро бар ростӣ тарҷеҳ медиҳад”.

Қосимӣ хотирнишон кард, нахуствазири Британия ба роҳатӣ чашми худро бар рӯйи таърихи таҳаввулот ва иттифоқоти даҳаҳои ахир дар минтақа бастааст ва ба саҳв ё амд фаромӯш мекунад, ки бахши умдае аз нобасомонӣ, бесуботӣ ва ақибмондагиҳои минтақаи Ховари миёна, ҳосил сиёсатҳои истеъморӣ, тавсеаталабона ва беадолатиҳои Британия ва ҳампаймононаш дар зулм, таҷовуз ва барафрӯхтани оташи ҷанг дар кишварҳои минтақа мебошад.

 Қосимӣ тасреҳ кард, бешак талош ва иродаи росихи Ҷумҳурии Исломии Эрон дар кӯмак ба таъмини амният, оромиш ва субот дар минтақаи ҳассос ва стратегии Ховари миёна, иқдоме шаффоф, дақиқ ва мубтанӣ бар дироят ва хирадварзӣ ва дар ҷиҳати мубориза бо терроризм ва хушунат аст.

Сухангӯи Вазорати умури хориҷаи Эрон гуфт, иттиҳомоти норавои Тереза Мэй дар ҳоле баён мешавад, ки нақши муҳими Эрон дар ҳимоят аз амният, субот ва сулҳ дар кишварҳое, ки мавриди таҷовузи террористҳо қарор гирифтаанд ва аз Ҷумҳурии Исломии Эрон дархости кӯмак ва ҳимоят доштаанд, бар касе пӯшида нест.

Қосимӣ афзуд, эҳтимолан нахуствазири Британия ва бархе муттаҳидони наздики ин кишвар дар Ховари миёна аз адами таҳаққуқи муҳосиботи худ дар муваффақияти гурӯҳҳои террористӣ дар Ироқ ва Сурия ва ақиб ронда шудани афроди террористе чандон хушнуд нестанд ва моиланд минтақа ҳамчунон дастхуши ноамнӣ ва бесуботии музмин ва мустамар бошад.

Қосимӣ дар поён таъкид кард, Ҷумҳурии Исломии Эрон ин гуна изҳорот, ки ба манзури ҷалби ризоят ва ҳимояти молии бархе кишварҳои минтақа сурат мегирадро ба шиддат маҳкум намуда ва интизор дорад мақомоти Лондон бо дарки воқеиятҳо ва истифода аз таҷрибаҳои пуршумори худ дар минтақаи халиҷи Форс тайи давраҳои гузашта дар тасҳеҳи мавозеи нодурусти худ иқдом намоянд.