Имзои сафирони хориҷӣ бар дафтари ёдбуди шаҳид Фахризода

Ҷамъе аз сафирону мақомоти баландпояи кишварҳои ҷаҳон бо имзои дафтари ёдбуди донишманди шаҳид - Муҳсини Фахризода дар ситоди Вазорати дифоъ ва пуштибонии нерӯҳои мусаллаҳи Эрон, ин ҷинояти террористиро маҳкум карданд.

Ба гузориши хабаргузории донишҷӯёни Эрон (ИСНА), сафирон, шахсиятҳо ва вобастагони низомии кишварҳои Ироқ, Либия, Венесуэла, Тоҷикистон, Қирғизистон, Фаластин, Покистон, Сурия, Туркия, Покистон, Афғонистон, Никарагуа, Африқои Ҷанубӣ, Уммон, Яман, созмони ЭКО, Озарбойҷон, Сербия, Мексика ва Кореяи Шимолӣ зимни имзои дафтари ёдбуди донишманди шаҳид - Муҳсини Фахризода, маротиби таслияти худро ба миллат, нерӯҳои мусаллаҳ ва давлати Эрон изҳор доштанд.

Доктор Муҳсини Фахризода, раиси Созмони пажӯҳиш ва навоварии Вазорати дифоъ ва пуштибонии нерӯҳои мусаллаҳи Эрон ва аз донишмандони барҷастаи санъати ҳастаӣ 27 ноябр дар ҳамлаи террористӣ дар атрофи Теҳрон ба шаҳодат расид.

Бештар бихонед:  

• Вокунишҳои ҷаҳонӣ ба террори шаҳид Муҳсини Фахризода
• Тоҷикистон террори донишманди ҳастаии Эронро маҳкум кард
• Раиси собиқи CIA: Террори Муҳсини Фахризода бояд маҳкум шавад