Хушксолӣ ва масоили зистмуҳитӣ авлавияти кишварҳои узви ЭКО аст

Муовини дабири кулли ЭКО бо таъкид бар инки авлавияти муҳими ин созмон масоили зистмуҳитӣ ва камобӣ аст, гуфт : Мутаъасифона акнун тамоми кишварҳои узви ЭКО бо хушксолӣ мувоҷеҳ ҳастанд ва ба ғайр аз Эрон, кишварҳои Туркия, Узбекистон, Тоҷикистону Қирғизистон аз масаълаи камобӣ ранҷ мебаранд .

Ба гузориши радиои тоҷикии Садои Хуросон, Ҳусейн Бечкалӣ дар ҳошияи ҳаштумин нишасти гуруҳи коршиносони маъдании кишварҳои узв дар гуфтугу бо хабаргузории донишҷӯёни Эрон ( ИСНА ) дар бораи нақши кишварҳои узви ЭКО дар хусӯси беобӣ ва хушксолӣ ба вижа хушкии Зояндаруд дар устони Исфаҳони Эрон изҳор кард : ЭКО  ҳамвора ин мавзӯро мадди назар дода то дар мавриди он тасмимоту роҳкоре ироа шавад ва ба ҳамин манзур дар конфаронсҳои гуногун ҳузур меёбад .
Ҳаштумин иҷлоси коршиносони маъдании кишварҳои узви ЭКО ( созмони ҳамкории иқтисодӣ ) дар Исфаҳон бо ҳузури коршиносони ҳафт кишвари Покистон, Озарбойҷон, Қазоқистон, Узбекистон,Қирғизистон, Тоҷикистон ва Ҷумҳурии исломии Эрон дар ҳоли баргузорӣ аст .