Рақобати наздики шатранҷбозони эрониву ҳиндӣ дар мусобиқоти байналмилалии Ҷоми Рашт
-
Нуздаҳумин давраи рақобатҳои шатранҷи байналмилалии “Дарёи Каспиян”-и Ҷоми Рашт
Даври панҷуми мусобиқоти шатранҷи байналмилалии “Дарёи Каспиян”-и Ҷоми Рашт бо садрнишинии се шатранҷбози ҳиндӣ ба ҳамроҳи шатранҷбозоне аз Эрон, Арманистон ва Бангладеш пайгирӣ шуд.
Шомгоҳи чаҳоршанбе ва дар поёни даври панҷуми мусобиқоти шатранҷи байналмилалии “Дарёи Каспиян”-и Ҷоми Рашт Сайид Меҳроби Хушкалом, шатранҷбози гелонӣ ба ҳамроҳи се нафар шатранҷбози ҳиндӣ ва як нафар шатранҷбози арманистонӣ ва як бангладешӣ, бо касби 4. 5 имтиёз дар садри ҷадвали гуруҳи “A”-и ин мусобиқот қарор гирифтанд.
Ҳамчунин дар рақобатҳои ҷадвали гуруҳи сеюм, ки шатранҷбозони радаи синнии зери 14 сол ҳузур доранд, дар поёни даври шашум Амирҳусайни Қувватӣ ва Ростини Ресмончӣ муваффақ ба шикасти ҳарифони худ шуданд ва бо касби 6 имтиёз дар садри ҷадвал қарор гирифтанд.
Нуздаҳумин давраи рақобатҳои шатранҷи байналмилалии “Дарёи Каспиян”-и Ҷоми Рашт аз рӯзи якшанбе (12 феврал) ба муддати 9 рӯз бо ҳузури ҳудуди 800 шатранҷбоз аз Эрон ва 15 кишвари хориҷӣ дар маҷмуаи варзишии Ёдгори имоми Рашт оғоз шуд.
Шатранҷбозони хориҷии ҳозир дар ин мусобиқот аз кишварҳои Австрия, Нигерия, ҷумҳурии Озарбойҷон, Гурҷистон, Арманистон, Ироқ, Ҳинд, Бангладеш, Қазоқистон, Қирғизистон, Яман, Сурия, Лубнон, Афғонистон ва Покистон ҳузур ёфтаанд.
