Бозтоби посухи мушакии Эрон ба террори сардор Сулаймонӣ дар Қирғизистон
Посухи мушакии Сипоҳи посдорони инқилоби исломӣ ба террори сардори сипаҳбуд Сулаймонӣ зидди пойгоҳҳои Амрико дар Ироқ бозтоби густурдае дар Қирғизистон доштааст.
Ба гузориши хабаргузории “Форс”, корбарони шабакаҳои иҷтимоии Қирғизистон нигарони иқдомоти Амрико дар минтақаи ғарби Осиё буда ва назарҳои худро дар бораи посухи мушакии Эрон ба моҷароҷӯиҳои Доналд Трамп, раисҷумҳури Амрико дар ин шабакаҳо матраҳ карданд.
Корбарони шабакаҳои иҷтимоии Қирғизистон дар паёмҳои шабакаҳои иҷтимоии худ Доналд Трампро фарде камақл донистанд ва тавонмандии Эронро сутуданд.
Корбарони шабакаҳои иҷтимоии Қирғизистон ҳамчунин Трампро душмани мардуми Амрико донистд ва гуфтаанд, тасмимоти вай ҷонҳои шаҳрвандони ин кишвар ва кишварҳои дигарро ба хатар андохтааст.
Бар асоси ин гузориш, ба таври куллӣ ба назари шаҳрвандони Қирғизистон, Амрико омили аслии эҷоди буҳрон дар минтақа аст ва ҳамлаи мушакии Эронро ҳаққи қонунии Теҳрон дар баробари террори Қосими Сулаймонӣ, фармондеҳи нерӯи Қудси Сипоҳи посдорони инқилоби исломӣ медонанд.
Сардори сипаҳбуд Қосими Сулаймонӣ, фармондеҳи нерӯи Қудси Сипоҳи посдорони инқилоби исломӣ, ки бомдоди рӯзи ҷумъа (севуми январ) ба даъвати расмии мақомоти Ироқ ба ин кишвар сафар карда буд, ба ҳамроҳи ҳамроҳонаш дар ҳамлаи ҳавоии нерӯҳои мутаҷовиз ва террористи амрикоӣ ба фурудгоҳи Бағдоди Ироқ, ба шаҳодат расиданд.
Сипоҳи посдорони инқилоби исломӣ низ бомдоди чаҳоршанбе дар посух ба ин иқдоми террористии Амрико, бо даҳҳо фарванд мушак, пойгоҳҳои Амрико дар устонҳои Аланбор ва Эрбили Ироқро ҳадаф қарор дод.
