Паёмҳои табрики Раҳмон ва Путин ба Мирзоев
Руасои ҷумҳурии Тоҷикистон ва Русия дар паёмҳои ҷудогонае пирӯзии Шавкат Мирзоевро дар интихоботи раёсатҷумҳурии Узбакистон табрик гуфтанд.
Ба иттилои хабаргузории Форс, Эмомалӣ Раҳмон, раисҷумҳури Тоҷикистон дар паёми худ бо ибрози табрик ва орзуи муваффақият барои Мирзоев, интихоби вай ба ин симматро нишонаи эътимоди мардум ба вай хонд.
Раҳмон ҳамчунин Мирзоевро тарафдори барқарории муносиботи дӯстона ва нек байни ду кишвар дар тамомии арсаҳо хонда ва ибрози умедворӣ кардааст, ки ҳар рӯз бар ҳамкории байни ду кишвар афзуда шавад.
Владимир Путин, раисҷумҳури Русия низ дар суханоне пирӯзии қотеи Мирзоев дар интихоботи раёсатҷумҳурии Узбакистонро нишонаи эътибори болои вай дар миёни мардуми кишвараш ва тавоноии ӯ дар ҳалли масоили муҳими тавсеаи иҷтимоӣ ва иқтисодӣ дар ин кишвар унвон кард.
Путин аз Мирзоев ба унвони ҳомии усулии тавсеаи равобити байни ду кишвари Русия ва Узбакистон ёд карда ва ибрози итминон кардааст, ки бо талошҳои муштараки дуҷониба ҳамкориҳои роҳбурдии ду кишвар густариш хоҳад ёфт.
Раисҷумҳури Русия ҳамчунин аз Мирзоев даъват кард, то дар аввалин фурсат аз Маскав дидан кунад.
Интихоботи раёсатҷумҳурии Узбакистон 4 декабр баргузор ва Шавкат Мирзоев бо касби 88. 61 дарсади оро ба унвони раисҷумҳури Узбакистон интихоб шуд.
