Маркази ҳамоҳангии иттилооти Ковид - 19 дар Тоҷикистон таъсис мешавад
Намояндаи дафтари аврупоии Созмони Ҷаҳонии Беҳдошт аз таъсиси маркази ҳамоҳангӣ барои ҷамъоварӣ ва таҳлилу таҷзияи иттилооти дақиқ аз бемории Ковид -19 дар Тоҷикистон хабар дод.
Ба гузориши “Спутник”, Катрин Смолвуд гуфт: “Барои ҷамъоварии иттилооти дақиқ аз вазъи Ковид - 19 қарор шуд, ки бо кумаки Созмони Ҷаҳонии Беҳдошт дар Вазорати тандурустӣ ва ҳифзи иҷтимоии аҳолии Тоҷикистон маркази ҳамоҳангӣ таъсис шуд”.
|
Вай афзуд: "Зеро ҳанӯз ҳам дар мавриди ирсоли иттилоот аз манотиқи дурдасти Тоҷикистон ба Вазорати тандурустӣ дар бораи теъдоди беморон, афроди шифоёфтаву вазъи мубориза бо Ковид - 19 мушкилоте вуҷуд дорад”.
Ҳамчунин доктор Олег Стороженко, корманди Ситоди намояндагии Созмони Ҷаҳонии Беҳдошт дар Тоҷикистон муътақид аст, ки таъсиси чунин марказ заминаи таҳияи иттилооти дақиқ аз теъдоди мубталоён ба Ковид – 19 ва тадбирҳои пешгирӣ аз густариши ин беморӣ дар Тоҷикистонро фароҳам хоҳад кард.
Бештар бихонед:
- Бахтигул Қориева: Пизишкони Суғд улгӯи ҳамаи кишварҳо ҳастанд
- Зиёни якуним миллиард долларии Тоҷикистон аз вируси корона