Содироти 58 миллион долларии пӯшок соли гузашта аз Тоҷикистон

Соли гузашта аз Тоҷикистон 58 миллион доллар мансуҷот ва пӯшок содир шуд.

Ба гузориши радиои тоҷикии Садои Хуросон ба нақл аз вебгоҳи хабарии Вазорати саноати Тоҷикистон ин хабар дар нишасти тахассусии осебшиносии тавлидоти саноатии Тоҷикистон ва баррасии роҳҳои афзоиши тавлид ва содироти  маҳсулоти саноати дар шаҳри Душанбе эълом шуд.

Форумро намояндагони Иттифоқи саноати хусусӣ, Вазорати саноат ва технологияҳои нав, Кумитаи давлатии сармоягузорӣ ва идораи амволи давлатӣ, инчунин Маркази ҷаҳонии дӯзандагӣ ва нассоҷии Тоҷикистон баргузор карданд. Намояндагони ширкатҳои нассоҷӣ ва дӯзандагӣ ва шарикони байналмилалӣ Рушди саноати бофандагӣ дар Тоҷикистон баҳс ва гуфтугӯ карданд.

Раиси идораи созмони тиҷорати байналмилалӣ дар Тоҷикистон Саидмӯъмин Камолов дар ин нишаст гуфт: Инҷо як фазои муносиби тиҷорӣ, омӯзиши муҳандисон ва коргарон. итмонон аз рақобати маҳсулот дар бозорҳои дохилӣ ва хориҷӣ, тавсеаи саноати нассоҷӣ ва пӯшоки кишварро тазмин мекунад.

Абдуллоҳ Муҳаммадов, раиси иттиҳодияи нассоҷӣ ва дӯзандагӣ, низ гуфт: Бо вуҷуди шуюъи бемории корона, саноати бофандагӣ ва дӯзандагии кишвар дар соли 2020 маҳсулоти босифат дорад.

Вай афзуд: "Соли гузашта дар ширкатҳои Тоҷикистон 19.287 тонна катон, 1.705.000 метри мураббаъ порчаи пахтагӣ (матои пахтагӣ) ва 7.807.000 ҷуфт ҷӯроб истеҳсол карда шуд.

" Абдуллоҳ Муҳаммадов гуфт: 69 дарсад аз содироти маводи нассоҷии Тоҷикистонро нахҳои хоми пахта ташкил медиҳанд.

Инчунин бар асоси омори январ-декабри соли гузашта, арзиши содироти маводи бофандагӣ 196 миллиону 267 ҳазор доллар эълом шуд, ки аз ин мизон ҳудуди 135 миллиону 994 ҳазор доллар арзиши содирот нахи пахта будааст. 

Бештар бихонед:

Коҳиши содироти маводи бофандагӣ аз Тоҷикистон, соли гузашта

Содироти 70 дарсад аз маҳсулоти нассоҷии Туркманистон

Тавлиди рӯзона 6000 адад ниқоби муҳофизатӣ дар ширкати нассоҷии Хӯҷанд