Мулоқоти вазири корҳои хориҷаи Тоҷикистон бо дабири кулли САҲА
Декабр 03, 2022 17:54 Asia/Dushanbe
Сироҷиддин Муҳриддин ва Ҳелга Шмид ёддошти тафоҳум имзо карданд.
Ба навиштаи сомонаи вазорати корҳои хориҷаи Тоҷикистон, дар шаҳри Лодз дар ҳошияи иҷлоси 29-уми Шӯрои вазирони Созмони амният ва ҳамкорӣ дар Аврупо (САҲА) вазири корҳои хориҷии Ҷумҳурии Тоҷикистон Сироҷиддин Муҳриддин бо дабири кулли САҲА Ҳелга Шмид вохӯрӣ намуд.
Зимни мулоқот масъалаҳои умдаи ҳамкорӣ миёни Тоҷикистон ва САҲА, аз ҷумла вазъ дар минтақа ва Афғонистон, мубориза бо терроризм, ҳамкорӣ дар масъалаҳои обу иқлим мавриди баррасӣ қарор гирифтанд.
Дар поёни мулоқот Ёддошти тафоҳум байни Ҳукумати Ҷумҳурии Тоҷикистон ва САҲА оид ба Дафтари барномаҳои САҲА дар Душанбе ба имзо расид.
