Гутеррес ҳамла ба масҷиде дар Афғонистонро маҳкум кард

Дабири кулли Созмони милал ҳамлаи террористии ахир дар Афғонистонро маҳкум кард.  

Антонио Гутеррес дар баёнияе аз ҳамлаи рӯзи шанбе ба масҷиде дар устони Хости Афғонистон, ки маҳалли сабти номи раъйдиҳандагони интихоботи парлумонии ин кишвар буд, интиқод кард.  

Гутеррес ба хонаводаҳои қурбониёни ин ҳамла таслият гуфт ва барои захмишудагон орзуи беҳбудии сареъ кард.  

Бар асари инфиҷори бомб дар масҷиде дар устони Хости Афғонистон 19 нафар ҷон бохтанд ва 34 нафар захмӣ шуданд.