Афви Байналмилал: Гурӯҳи 20 Арабистонро барои озодии занон зери фишор бигузорад
-
Созмонҳои ҳуқуқи башарӣ борҳо аз нақзи ҳуқуқи башар дар Арабистон интиқод кардаанд
Созмони Афви Байналмилал аз раҳбарони Гурӯҳи 20 хост, мақомҳои саудиро барои озодии фаъолону занони дар банди Арабистонӣ зери фишор қарор диҳанд.
Ба гузориши ИРНА, ин созмони ҷаҳонии ҳуқуқи башарӣ дар сафҳаи твиттерии худ эълом кард, ба ҷойи мудоро бо Арабистон ба хотири ба кор бурдани ибороти “пурзарқубарқ” дар мавриди “тавонмандсозии занон”, раҳбарони Гурӯҳи 20 бояд иҷлоси ин гурӯҳро фурсате барои дифоъ аз фаъолони мадании ин кишвар бидонанд, ки дар пушти милаҳои зиндон ба сар мебаранд.
Иҷлоси раҳбарони кишварҳои узви Гурӯҳи 20 аз рӯзи шанбеи 21 ноябр ба сурати видеоконфаронс ба мизбонии Арабистони Саудӣ баргузор мешавад.
Созмони Афви Байналмилал 23 октябр низ эълом кард, ки 13 мудофеини ҳуқуқи зани арабистонӣ ба хотири фаъолият дар заминаи ҳуқуқи башар ҳамчунон дар остонаи муҳокима қарор доранд.
Дар баёнияи ин созмон омада аст: Бархе аз фаъолони мадании ҳуқуқи башарӣ дар Арабистон бо иттиҳоми иртибот бо расонаҳои хориҷӣ ва созмонҳои байналмилалӣ, аз ҷумла Афви Байн алмилал рӯ ба рӯ ҳастанд.
|
Ахиран низ гузорише мунташир шуда, ки дар он аз озорҳои ҷинсии занони зиндонӣ дар Арабистон пардабардорӣ шудааст.
Бештар бихонед:
- Арабистону Иморот: омилони яке аз фоҷеабортарин буҳронҳои инсонӣ дар торихи башарият
- Афви Байналмилал: Риёз даст аз шиканҷаи фаъолони ҳуқуқи занон бардорад
