Pars Today

Вазорати кишвари Афғонистон аз шиллики 14 ракет ба наздикии сафорати Амрико дар ин кишвар хабар дод.

Ба гузориши хабаргузории Садо ва симо, манобеи амниятӣ дар Афғонистон эълом карданд, субҳи имрӯз дастикам 14 мӯшак ба минтақаи дипломатнишини Кобул (минтақаи Вазир Акбархон) исобат кард ва дар пайи он занги хатари сафорати Амрико дар ин шаҳр ба садо даромад.

Дар пайи ин ҳамалот дастикам се тан кушта ва ёздаҳнафар захмӣ шуданд.

Бисёре аз марокизи ҳассоси давлатӣ, аз ҷумла Арги раёсатҷумҳурии Афғонистон, дафотири бисёре аз муассисоти хориҷӣ ва созмонҳои байналмилалӣ ва ҳамчунин аксари сафоратхонаҳои хориҷӣ дар минтақаи Вазири Акбархони Кобул воқеъ шудааст.

Ҳамчунин бар асари инфиҷори бомби миғнотисӣ, ки субҳи имрӯз дар шарқи шаҳри Кобул рӯй дод, як низомӣ кушт шуд ва се нафари дигар захмӣ шуданд.

То кунун фард, ё гурӯҳе масъӯляти ин ду ҳамларо бар ӯҳда нагирифтааст.

Шаҳри Кобул, пойтахти Афғонистон аз замони оғози музокироти сулҳ дар ду моҳи гузашта токунӯн шоҳиди даҳҳо инфиҷори террористӣ буда ва ин ҳамалот садҳо кушта ва захмӣ барҷо гузоштааст.

БЕШТАР БИХОНЕД:

• Талоши Имрон Хон барои кашондани Толибон ба пойи мизи музокироти сулҳи Афғонистон
• Тарроҳи ҳамлаи террористӣ ба Донишгоҳи Кобул боздошт шуд
• Ривояти як шоҳиди эронӣ аз ҳамлаи террористӣ ба Донишгоҳи Кобул