Eýran Sionist režimiň Gaza zolagynda edýän jenaýatlarynyň öňünüň alynmagyny nygtady
Eýranyň Daşary işler ministrliginiň metbugat sekretary sionist režimiň Gaza zolagynda edýän jenaýatlarynyň bes edilmegine ünsi çekdi we dünýä jemgyýetçiliginiň Gaza zolagynda söweş jenaýatlaryny duruzmak kararyna gelendigini aýtdy.
Amerikanyň Ysraýyla ýedi aý töweregi dowam eden Gaza söweşiniň batgasyndan çykmagyna kömek etmek üçin (Tel Awiw üçin hiç hili netije bermedik) edýän tagallalary, bu ýurduň jemgyýetçilik pikiriniň tankytlary bilen ýüzbe-ýüz boldy we şu günler Amerikanyň talyplary Gazanyň ezilen we güýçli halkyna goldaw bermek üçin ýygnanýarlar.
Amerikada Gaza zolagynyň ilatyny goldamak we Ysraýyl söweşini duruzmak üçin talyplaryň protestleri Garward, Tehas, Braun we Günorta Kaliforniýa uniwersitetlerine baryp ýetdi we Tehas we Kaliforniýa uniwersitetleri polisiýanyň talyplar bilen çaknyşýan ýerine öwrüldi.
Eýranyň Daşary işler ministrliginiň metbugat sekretary "Naser Kanani Çafi", "X" sosial ulgamynda Amerikaly talyplaryň Palestina goldaw berýändigi sebäpli bu ýurduň polisiýasynyň tarapyndan basylyp ýatyrylmagynyň jogabynda Galp we jenaýatçylykly Ysraýyl režiminiň işgärleriniň we olaryň tarapdarlarynyň isleglerine garşy dünýäniň jemgyýetçilik pikiri oýandy we Gaza zolagynda we Iordan derýasynyň günbatar kenaryndaky söweş jenaýatlaryny duruzmak we jenaýatçylary başarnykly halkara kazyýetlerine bermek we olara garşy adalat ýerine ýetirmek kararyna gelendigini ýazdy.
