Netanyahu bə Az.R səfər məmləkəti ictimaiyyəti etirazi səbəb bıə
Sionist rejimi sər nazir Netanyahu bə Boku rəsmi səfər bə Azərbaycan Respublika ictimaiyyəti etirazi səbəb bıə. "İslamazəri.az" sayt nıvıştedə ki, Fələstinədə bə mısılmonon divon qətə qıley rejimi bə Azərbaycani mısılmonon humanist münasibət nişon doe qımon karde soyəti əloməte.
Ğərəboği azadi roədə İslami Müğavimət Hərəkati sədr Revşən Əhmədli, şərğşünas, siyasi təhlilqər Vüsal Hətəmov, Azərbaycani Ruşinəfikron İbemoni sədr Eldəniz Ğuliyev, ilahiyyatçi -filosof İlğar İbrahimoğli, məşhur hüğuğə müdafiəçi Ğurban Məmmədov, İlahiyyatçi-alim, AİP sədri müavin Əli Nur bə ım səfəri ıştə neqativ münasibət bə sayti müxbiri votəşone ki, ım səfəri bo Azərbaycani xalqi mənafe hiç qıley xeyrış nibəbe.
Ğərəboği Azadi roədə İslami Müğavimət Hərəkati, "Milli -Mənəvi Molyəton" İctimai İbemoni, həmən Azərbaycan universiteton i qrup müəllim və ictimai fəalon de ım səfəri əlağədar ıştə etiraz bəyanaton pevolo kardəşone. Azərbaycani İslami Partiya İdarə Heyəti üzvon və fəalon Azərbaycan Xarici Koon Vəzarəti bina vədə etirazə piket dəvuniəşone, piketi ğətnamə bə Vəzarəti rəsmiyon təğdim kardəşone.
Azərbaycan Ruhanion Məclisi üzvonən İslami Peyğəmbər Sələvatullahi mevludi ərəfədə mısılmonə əhali ğətl kardə qıley rejimi sər naziri bə Respublika ome məhkum kardəşone.
