Azərbaycan Respublika prezident, Ğərəboği sulh muzakirəon barədə Ermənistonış bə bevəcə və nadırıstə vindımon iyən siyasəton icra karde mıttəhəm kardə.

Bə İrna raporti əsos İlham Əliyev Bukoədə de Ğəfğaz məntəğə koon barədə Avropa i bemoni məxsusə nımoyəndə vindımon karde votışe: Ermənistoni nadırıstə siyasəton çı Ğərəboği mınoğişə dıroz bey iyən bə nəticə nırəse bois bıə.

Əv Ermənistonış mıttəhəm kardə ki Ğərəboğədə çı Azərbaycan Respublika həmmə tarixi, dini və milli simvol iyən erjon məhvış kardə.

Əliyev ım sərhəddiyə daveon bə oxo rəseyro Erməni əsqəron çı Azərbaycan Respublika sərzəminiku vey rə xaric bey tələb kardə.

Im mıloğatdə 2 tərəf siyasi və sulhin roon çərçivədə bə Ğərəboği bohrani həl karde həm işorəşon kardən.

Azərbaycan Respublika və Ermənistoni miyono mınoğişə 1988-nə soriku bino bıə ijən 1994-nə soriku və otəş basti bə peştə de siyasi roon bə bohrani həl karde xoto fəaliyəton bino bıə əmmo Minsk qrup de Amerkə, Fransə və Russiyə mıştərəkə rəisəti hələ ım problem və mınoğişə həl kardəşon ni.