Azərbaycan Respublika president zinə bokuədə de İron İslam Respublika xarici koon vəzir Muhəmməd Cəvad Zərif təşkil doə vindımonədə votışe:2 qılə məmləkəti əlağə heç devrədə jıqo çok bə ni.

Bə İRNA xəbon əsosi İlham Əliyev eyne holədə  məntəğədə təhdidon ciddi hisob vardeədə İron İslam Respublikaş qıləy əmn və zumandə məmləkətış zınə və mıxtəlif baxşonədə mincumlə tıranziti və bankiyə fəaliyyətonədə 2 qılə məmləkəti nezə həmkarətiş tələb karde.

Azərbaycan Respublika president eyne holədə bə 2 qılə məmləkəti yolon nəzminə vindımonon dəvardə çandə soronədə işarəş karde və nəvuzə idi əyyamədə İron İslam Respublika president Həsən Ruhani bə Boku nəzədə bıə səfəriku həm ıştə  rizoyətış elan karde.