Azərbaycan Respublikaədə bıə omə prezidentəti səçıni astanədə Boku dıvləti muxalifon zinə şəv etiraz alsiya dəvonişone.

Bə İRNA raporti əsos təğribən 2000 nəfər çı Boku dıvləti muxalifon de Demokratik Ğıvvon Milli Şura rəhbərəti həminə aksiyədə İlham Əliyevi Dıvləti bə sosial iyən iğtisodi mışkilaton vədə zəif mande iyən kişvərədə bəşər həxon rioyət nıkarde mıttəhəm kardən.

Cəmaət omə intixabatədə ıştirok nıkarde elan kardən iyən dıvləti zəifəti sayədə sistemədə bıə monopolia və fəsod ijən detosə bə ısət Ğərəboği bıhrani hək nıbeyku tənğid kardən.

Çimiku bə nav Azərbaycan Respublika dıvləti muxalif bəzi partiyaon əcumlə Musavat ım kişvəri omə prezidentəti səçenədə iştirok nıkardeyku xəbə doəşon bıən.

Çı Azərbaycan Xalğ Cəhbə rəis Əli Kərimli həm ım partiya təfrəo xəbədotəti doəş be ki Azərbaycan Respublikaədə vəziyət bə ıştimaei cəhətiku tıpemoni tərəf hərəkət kardedə.

Ğeyd kəmon ki Demokratik Ğıvvon Milli Şura uzvon veyni ğərb tələbonin ki səçıni barədə çəvon i minnə aksiya Marti 11 Bokuədə bərpo bıə be.

Azərbaycan Respublikaədə səçın ğəror be ımsornə sori Oktiyabri 17 bərpo bıbu ki de İlham Əliyevi vindemon, zu iyən nıfuzi 6 manq rə bərbo bəbe.

İntixabati zəmoni əvəz karde çı Boku dıvlət muxalifə partiyaon norohətəti bois bıə.

Çı Azərbaycan Respublika intixabat mərkəziyə kamissiya bo Aprilə manqi 11-nə ruji intixabat iyən ım kişvərədə bıə prezidentəti səçınədə rəğabətonro 8 nəfər namzədi səlohiyəti təsdiğış kardə.