Cenevrədə Fələstini himoyədoron etırozinə qırd bemon
Sep 10, 2024 08:35 Asia/Tehran
De bə İordan ru ğərbi sahil və Ğəzzə tanqə israili həmləon əlovə bey həmzəmon, İsveçrə Cenevrə .əhrədə Fələstini millətiku himoyə kardeyədə hevujə aksiya bərpo bıə.
Bə İrna raporti əsos, İsveçrə Cenevrə millət aksiya bənav bə Vilson saray səmt ki İ Bıə Milləton Təşkiloti insoni həxon ali kamisiya ofis bəvədə ğərorış qəte, şəhri vey muhimmə meydononku qıləyni qırdə bin.
aksiya bərpo kardə kəson, de Fələstini pərçəmi rost kardey, bə Ğəzzə tanqə və ğərbi sahilədə mand həzo be qınohə insoni ğətliami məhkum kardışone.
Etırozəkəyon ijən de bə israili iminnə vəzir Benyamin Netanyahu iyən Amerkə prezdent Co Baydeni ələyh şuaron doey vositə, Ğəzzə tanqədə qenosidi bə oxo rosniye və təcili otəşvəsi tələb kardışone.
