Azərbaycan Respublika tojədən İroni ətomiyə təvafuğiku himoyətış kardə.

Azərbaycan Respublika xarıci vəzarətxanə sıxənəvot elanış kardə ki ətomiyə təvafuğ əmniyyəti təmin əkə iyən çı məntəğəiyə həmkarion zumandəti bois bıə.

Bə İrna raporti əsos Hikmət Haciyev zinə ruji təkidış kardə ki Azərbaycan Respublika həmişə Tehron və 5+1 qrupi miyono təsdığ bıə ətomiyə təvafuğiku himoyətış kardə və yəğin zındəy ki heste ki ətomiyə təvafuği icra karde məntəğə və dınyoədə bə sulh və dustiyəti komək bəkay.

Azərbaycan Respublika xarıci vəzarətxanə sıxənəvot təsdiğış kardə ki, ım kişvər İron və 5+1 qrupi miyono 2016-nə sori Yanvaədə icra bıə tarixiyə ətomiyə təvafuğiku himuyədorəti kardeku imtino nibəkay.

Azərbaycan prezident dəstyor Əli Həsənev həm dəvardə şambə ruji ıştə Feysbukədə ğeydış kardə: çandə təziğon bə kəno, Boku bə dustə kişvəron əcumlə Rusiyə, İron və Tırkiyə zidd təsdığ bıə hiç qılə hərəkət və sanksiyaonədə şirkət nibəkay.

İroni və 5+1 qrup-i(İnqiltərə, Fransə, Çin, Amerkə və Almaniya) miyono ətoniyə təvafuğ 2016-nə sori Janvari 12ku icra bıə əmmo Amerkə dıvlət bənə i qılə ıştən bəsə uzv həmişə ətomiyə təvafuği icraədə bədəhdətiş kardə.

Donal Trump Ətomiyə təvafuği əvəz bey tələbış kardə və elan kardə ki jıqo nıbıə holədə Amerkə çəyku xaric bəbe.