Ğərəboği konfilikti barədə de İrəvan muzakirə kardero, Boku ıştə hozzıəti elanış kardə.

Azərbaycan Respublika xarıci vəzarətxonə sıxənəvot votışe, Ğərəboği konfilikti de sulhinə roon həl kardeyro Boku de İrəvani tojə dıvlət foydəinə muzakirəon bino kardeyro hozzıətion elan kardedə.

Bə Apa raporti əsos bo Ğərəboğ konfilikti hələkə roon barədə muzakirə kardeyro Azərbaycan Respublika prezident İlham Əliyev və Ermənistoni sər vəzir Nikol Paşiniyani miyono ihtimaliyə vindemoni barədə çı Ermənistoni xarıcш vəzir Zohrab Menakakaniyani xobon reaksiyaədə Hikmət Hacciyev təkidış kardə: və Boku bo muzakirə kardero hozzıe.

Azərbaycan Respublika xarıci vəziri sıxənəvot əlovəş kardə: de əsərinə muzakirəon bəbe Azərbaycan Respublika sərzəminonku Ermənistoni hərbion xaric bıbon və canqi nəticəku avarəon bə ıştə kəon oqardon.

Ğərəboği məntəğə barədə Erməniston və Azərbaycan Respublika konfilikt 1988-nə sorədə bino bıə iyən1992-nə sorədə bənə hərbiyə dave əvəz be.

Azəri və Erməni hərbion miyono ım canqi nəticəku, çı Azərbaycan Respublika Ğərəboğ məntəğə iyən 7 qılə çəy ətrofədə bıə şəhrestanon Ermənistoni hərbion tərəfiku işğal bıə.