Ğərəbaği problemon dəvom pəydo kardeyu Amerkə fəaliyət.
Rusiyədə bıə qıləy təhliliyə muəssisə mudironku qıleni votışe:Vaşinqton bə Maskva təziğ nışon doeədə Ğərəbaği munağişə barədə məntəğədə problem icod karde domoədəy.
Bə Fars aqentəti xəbon əsosi rusiyədə bə "muasir ixtisad" musəsisə mudirNikita İsayev de Vestnik Ğəfğaz votımonədə,Ğərəbaği piyo dəvardə haftəonədə Ermənistan və Azərbaycan Respublika rəsmi şəxson miyonədə ləfziyə canqi şiddətin be barədə işarəş karde və votışe:ğəfğazı məntəğədə har qıləy problem və nooroməti bə Amerkə nəfe.
Rusiyə yolə təhlilçi əlavəş karde Amerkə de harqılə şərayet ğərəbağədə hərc-mərc vəziyəti hifz bəkay ta bızno bə Rusiyə təziğ nışon doeədə və ermənistanı vədə azərbaycan respublikaku himoyə karde vədəonədə çı məmləkəti natə ehtiyatonku bəhrə bıbə.
Nikita İsayev əlavəş karde ım qıləy oşkoə məsələy ki ne Ermənistan və ne Azərbaycan Respublika heç qılə Amerkə tərəfo himoyə nibəben və ım məmləkət məntəğədə fəğət ıştə faydon domoədəy.
Ermənistanı 1 minnə vəzir Nikol Paşiniyan bı nezonədə məntəğə bıhroniyə vəziyətiku ıştə niqərani elan kardeədə votışe:Azərbaycan Respublika hucuminə siyasət,canqi təşkil be ehtımalış ve kardə.
Azərbaycan Respublika mudafiyə vəzir Zakir Həsənov votəşe:əqər de beynəlxalğə meyaron və həxon Ğərəbaği problem həl kardeyu qıləy ro pəydo nıbo Ermənistan ,Azərbaycan Respublika hərbion silah zu his bəkay.
