Ermənion milliyə kanqıresi uzv:Ğərəbağ çəmə xok ni,əmə əvımon işğal kardə.
Ermənion milliyə kanqıresi uzv zoya Tadosiyan,işğaliyə sərzəminon bə Azərbaycan Respublika oqarde əhəmiyəti barədə,irəvanədə qıləy mətboatiyə konfransədə qəpış jə.
Bə ARAN xəbəriyə sayti elanon əsosi Tadosiyan votəşe:ım qrupədə həmmə əməson zındən ki işğal bə məntəğon bə erməniyə ictimaiyəti rısvoçiyəti bois bə və ım rısvoçiyəti peqəteyu işğal bə məntəğon bəpe bə Azərbaycan Respublika oqırdıniyə bıbo.
əv ıştə qəpon dəvomədə əlavəş karde əmə Ğərəbaği canqədə işğal bə ərazion ozod bə ərazi zındəmon və ım qıləy holədəy ki ım məntəğon əsorət həmmə kəsiyo oşkoye.
ım erməniyə siyasətçi qıləy jurnalisti cəvobədə ki çəy sıxanonış ermənistani işğalqərəti təsdiğ kardeş zınə be votışe:məqər ım ərazi ermənistani əraziy?ım məntəğon Azərbaycan Respublika tarixiyə məntəğonkoy və bəpe bə ım məmləkət oqırdıniyə bıbo.
