Ğərəbaği munağişə həl kardeyu xariciyə ğıvvon sədağətışon ni.
Bokuədə Ğərəbaği ozodəti beynəlxalğə iclosədə iştirak kardeyu ironıjə heyəti sərpərəst votışe:Ğərəbaği munağişə həl kardeyu xariciyə ğıvvon sədağətışon ni və əvon ım munağişə həl kardeku kəno coqlə hədəfon domoədən.
Ruhulla Mutəfəkirzadə ımruj de İRNA təşkil doə votımonədə əlavəş karde:xariciyə ğıvvon dəxalət bə bıhroni ve be bois bedə və məntəğə məsəlon bəpe məntəğə məmləkəton koməkədə həl bıbo.
Ğərəbaği ozodəti beynəlxalğə iclosədə iştirak kardeyu ironıjə heyəti rəisi votışe:ironıjə heyət ım iclosədə ironi milləti siyasəton dınyo məzlumonku himoyə kardeyu elan bəkay və əlavəş karde ironıjə heyət Ğərəbaği məsələ de məzlumiyət qıləy omjən bə məsələ zındəy və elanış karde ironi millət Fələstin,Yəmən və Ğərəbaği məzlumon kənoədəy.