Ərdoğan:Ğərəbaği munağişə həl be,Ankara-irəvani əlağon adi be şərte.

Tırkiyə prezidenti votışe:Ğərəbaği munağişə həl be Ankara və irəvani miyonədə əlağon adi be lozim bə şərtış zınə.

Bə Anatoli aqentəti xəbon əsosi Rəcəb Təyyib Ərdoğan zinə Azərbaycan Respublika paytəxtdə ,Boku ozod be 100 minnə sorəqardışi mərasimədə votışe:qıləy holədə ki Azərbaycan Respublika əraziku 20 faiz işğal bə ermənistanı intizar ki pidəşe Tırkiyə ıştə sərhədon ermənion vədə okə qıləy bemənoə tələbe.

Tırkiyə president əlavəş karde əvoni ki Xocali hadison təşkil əkon bən və ğərəbağədə ğətliamon təşkil kardəkəsonışon bə çəvon cəzo rosniyə ni və əvonışon ğəhrəman zınə ,nibəznen bə cokəson tarixi dərs doe.

Tırkiyə prezdent Rəcəb Təyyib Ərdoğan zinə ,ğəfğazı islamiyə silahlinə ğıvvon tərəfo,erməni və bolşovikon dasiku Boku ozod karde 100 minnə sorəqardışi ğeyd karde mərasimədə iştirak karde xoto bə Azərbaycan Respublika paytəxt daxil bə.

Ərdoğan bə Boku daxil be bəpeştə de İlham Əliyev vindımon və strateqiya əlağon və 2 qılə məmləkəti ticariyə həmkarətion və məntəğə oxonə vəziyəti həxədə votımonışon dəvoni.