Əliyev: Ğərəboğ çı Azərbaycan Respublika sərzəmine.
Azərbaycan Respublika prezident votışe: Ğərəboğ bandiyə məntəğə çı Azərbaycan Respublika sərzəmini i baxşe.
Bə Anadoli aqentiyəti əsos Bokuədə bıə homanitarə beynəl xalğiyə 6 minə iclosədə İlham Əliyev votışe: Erməniston Ğərəboği barədə çı Əmniyyət Şura ğətnoməon ləğvış karde.
Əv əlovəş karde: qılə holədə ki İ Bıə Milləton Təşkilat çand qılə ğətnomə vositə be şərt Ermənistoniku Ğərəboğiku xaric bey tələbış karde əmmo 25 sori bəpeştə hələ ım ğətnoməon icra bə ni.
Əliyev dınyo kişvəronış bəştə vəzifəon əməl nıkarde mıttəhəmış karde və votışe: çı Azərbaycan Respublika ərazi təmamiyyət bəpe oqəte bıbu.
Azərbaycan Respublika və Ermənistoni miyono Ğərəboği davoon 1988 nə-sorədə bino və 1992-nə sorədə bə hərbi navi qəte iyən otəş bast muvafiğ omə.
Im canqi nəticəku Ermaniston çı Azərbaycan Respublika Ğərəboğ məntəğə iyən 7 qılə humsoyə şəhrestani işğalış kardə.
