Qeneral Bağıri de İlham Əliyev vindemonış karde.
İroni silohinə ğıvvon sərğərorqo rəis qeneral mayor Bağıri iyən Azərbaycan Respublika prezident İlham Əliyev zinə Bokuədə de yande vindemon kardışone.
Bə İrna raporti əsos qeneral Bağıri ım vindemonədə bə 2 qılə kişvəri miyono tarixi və mədəni əloğəon işorəş karde və votışe: bə 2 qılə kişvəri rəsmi şəxson iradəon əsos hal hazirədə həmkarion iyən dırozmıddətə əloğəon vey ali səth və sıviyədəy.
Qeneral Bağıri bə məntəğədə sulh, əmniyyət və stabilə vəzyəti bərpo karde zərrurət təkid və əlovəş karde: har 2 qılə kişvər sərhədəd həmkari, hərbi əloğəon iyən texniki mıştərək fəaliyəton domuədən.
İroni silohinə ğıvvon sərğərorqo rəis ijən de terrorizm mubarizə barədə sahədə İroni təcrubəon Azərbaycan Respublika ixtiyorədə ğəror doe barədə xəbəş do.
Qeneral Bağıri zinə bə Azərbaycan Respublika səfərış karde və həminə səfərədə de Azərbaycan Respublika prezident i minə vəzir, milli məclesi yol iyən çandə hərbi rəsmi şəxson vindemonış ka.
Hərbi və mudafiə baxşədə İron və Azərbaycan Respublika miyono muğaviləon imzo karde ım səfəri bərnoməonju bin.
