Azərbaycan Respublika dıvlət Ğərəboğədə Suriyəvıjə ermənion məskun karde pidəş ni.

Azərbaycan Respublika xarıci vəzir de Ğərəboğədə Suriyəvıjə erməanion məskun karde muxalifətış karde.

Bə Rusiya Əl-Yəum aqentiyəti raporti əsos, Elmar Məhəmmədyarov votışe: Ğərəboğədə Suriyəvıjə ermənion məskun karde xoto Ermənıstani cəhdon ğəbul kardənin ni iyən bə ım bıhrani həl komək nibəkay.

Çı Azərbaycan Respublika xarıci vəziri ım sohbəton qıle holədə bəyon bıə ki Ğrəboğ məntəğəku diyə karde cərəyonədə Ermənıstani milli əmniyət heyəti mudir Artur Vanesian Ğərəboğədə Suriyəvıjə Ermanion məskun karde bərnoməku himoyədorətiş karde.

Əv votışe bo Ğərəboği bıhrani həl kardero ım məntəğəku baxşon bə Azərbaycan Respublika onibəqarde.

Artur Vanesian əlovəş karde: Ğərəboğədə Suriyəvıjə Ermanion məskun karde bərnamə subut kardedə ki dınyo xususi boc tələbəkəyon iddiaon əks Ermənıstan ıştə ərazi bə co kəson nibədon iyə ermənion bəpe ıştə sərzəminədə jimon bıkən.

Ğərəboği məntəğə barədə Erməniston iyən Azərbaycan Respublika miyono konfilikt 1988-nə sorədə bino bıə iyən 1992-nə sorədə bənə hərbiyə dave əvəz be.

Otəş basti bə peştə hələ həm Avropa həmkari və əmniyyət təşkilati vositəçiyə qurup-Minsk-qrupi məsələn səy-cəhdon Ğərəboği konfilikti həl karde bois bə ni.