Azəri rəsmi şəxson: Erməniston sulh muzakirəonədə cayli iyən sərost iştirok bəkay.

Azərbaycan Respublika xarıci vəzarətxonə sıxənəvot elanış karde: Erməniston ğəbulış karde ki Ğərəboği muzakirəonədə cayli iyən Ğərəboği sakinon dəvət karde forma iştirok bıkə.

Bə Terənd aqentiyəti raporti əsos Leyla Əbdulaova votışe: bo 2 minə kərə Erməniston təkidış karde ki Ğərəboği sulh muzakirəonədə de azərion şərti ğəbul karde iştirok bəkay iyən ijən Ğərəboği Ermənionku nımoyəndəon iştirok karde barədə şərton bəyon ni bəbe. 

Im sohbət və iddio qıləy şərayetədə elan bıdə ki Ermənistoni xarıci vəzarətxonə sıxənəvot tojədən Ğərəboği munağişə barədə elanış karde ki sulh muzakirəonədə bəpe Ğərəboği Ermənion həx-huğuğ rioyət bıbu. 

Ğərəboği bohran 1988 nə soriku bino bıə ki daveon bəpeştə Ğərəboği məntəğə iyən Azərbaycan Respublika 7 qılə şəhron Ermənistoni hərbion tərəfo işğal bıə.

1994 no soriku hələ həm çı Minsk qrupi siyasəton ım bohrani həl kardəş ni.