Erməniston ijən Tırkiyə tənğidış karde.

Ermənistoni i minnə vəzir Ğərəboği mınoğişə barədə Tırkiyə dışmenə siyasəti tənğidış karde.

Bə Fars aqentiyəti raporti əsos, Nikol Paşiniyan votışe: Ğərəboği mınoğişə barədə çı Tırkiyə Azərbaycon Respublikaku vey bıə hucum himoyədorəti reaksiyaədə Ermənistoni Xarici və əmniyəti siyasəton bəpe əvəz bıbu.

Əv əlovəş karde: Ankara i tərəf sərhədə daveon xoto Ermənistoni taxsikor zıne və co tərəf bə Boku hərbi koməkon vey karde vositə məntəğədə behron və canq vəziyəti dəvom doe cəhətədə ko kardedə.

Ermənistoni i minnə vəzir Nikol Paşiniyan Ğərəboği barədə de Azərbaycon Respublika muzakiron dəvoniye qıləy saxtə ko zınəş be iyən votışe: muzakirə zəmoni mənoş bəbe ki ım kişvər ıştə dışmenə siyosətiku dast peqəto və bo votımon hozzı bıbu.

Ğərəboği Tovuz sərhəd məntəğədə Azərbaycon Respublika iyən Ermanistoni miyono tojə dıvrə daveon ki Davərdə haftəku bino bıə hələ həm dəvom kardedə iyən çandə tələfoti bois bıə.

Azərbaycan Respublika və Ermənistoni miyono Ğərəboği barədə davoon 1988 nə-soriku bino be və 1992-nə sorədə bə hərbi navi qəte iyən otəş bast muvafiğ omə.

Im canqi nəticəku Ermanistoni hərbion çı Azərbaycan Respublika Ğərəboğ məntəğə iyən 7 qılə hamsuyə şəhrestanon işğal kardeşone.