Rusiyə Ğərəboğədə bıə terrorçion vırəku aqahe.

Rusiyə əmniyəti rəsmi şəxsonku qıləyni votışe: əmə Ğərəboğədə bıə terroriston iyən ım mınoğişədə Tırkiyə əmniyət təşkilati fəalə işterakiku xəbəmon heste.

Bə Erməni Rədio raporti əsos, Rusiyə milli əmniyət təşkilati mudir Seyqey Narişkin Ğərəboği behronədə Tırkiyə mıdoxilə barədə bə Riy Novosti aqentiyəti votışe: əmə Ğərəboği daveonədə çı Tırkiyə kəşfiyot təşkilati lenğərizon vindeydəmon.

Im xəbə qıle holədəy ki Tırkiyə prezident zinə elanış kardə be ki Ğərəboği canqədə Boku bə səbarzəzi nez beydə.

Çand ruj bənav həm Ermənistoni mudafiyə vəzarətxonə de qıləy filmi muntəşir karde vositə Ğərəboğədə Suriyə canqi muzduronku qıləyni əsir beyku xəbəş do ki de Erməni əsqəron canq karde holədə be.

Ermənistoni i minnə vəzir, Nikol Paşiniyan həm tojədən votşe ki ısət bo dınyo oşko bıə ki Azərbaycan Respublika və Tlrkiyə hərbiçion kənoədə terrorçion həm bə çəmə əleyh canq karde holədən.

Ğərəboği barədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino be iyən həmçenan dəvom kardeydə.