Məhəmmədyarov votışe: Ğərəboği bənə muxtar respublika bıey imkonış heste.

Azərbaycon Respublika xarıci vəzir votışe: Ğərəboğ məntəğə bəbe çəmə tərkibədə bənə muxtar respublika bıbu.

Bə Apa aqentiyəti raporti əsos, Məhəmmədyarov Yanvari 17-ədə votışe: əqər qıləy təvafoğ bıbu, ijən nəticə hasil bıbu, bəbe ki Ğərəboğ bənə qıləy muxtar respublika bıbu.

Dəvardə rujonədə Ğərəboği cəhbə canqi xətədə, çandədə Azərbaycan Respublika iyən Ermanıstani miyono otəş bast ləğv ijən davon ziyod be.

Cəlibə nuktə ıme ki jıqunə zəmononədə har 2qılə kişvər co tərəfi bə otəş basti ləğv karde mıttəhəm kardən.

Ğərəboği barədə Azərbaycan Respublika və Ermanıstani miyono davon, 1988-nə soriku bino be ijən 1992-nə sorədə bənə canqi vəziyət əvəz be.

1994-nə sori Mayə manqiku, Azərbaycan Respublika və Ermanıstani miyono otəş bast de Minsk qrupi məsələn sulhinə fəaliyəton vasitə ijən de Rusiyə, Amrika və Fransə mıştərikə rəisəti bə dast omə ki əmələn de tosə bə ısət həmmişə ləqv bıdə və əmələn hiç foydəş nebe.