Torixi binaon barədə Azərbaycan Respublika rəsmi şəxson sıxanon çı Ermənistoni tənğidon bois bıə.
Ermənistoni mehari mutaliə mərkəzi muavin Torixi binaon barədə çı Azərbaycan Respublika rəsmi şəxson sıxanonku tənğidış karde.
Bə Erməni sayti raporti əsos, Rafi Kurtuşiyan zinə bə Azərbaycan Respublika mədəniyət vəziri sıxanon reaksiya nışoş do və votışe: Azərbaycan Respublika pidəşe mınoğişə əraziədə bıə Erməni kətibə və əsəron məhv ko, jəğo ki dəvardə zəmonədə həm ın ko əncom bıə be.
Rafi Kurtuşiyan əlovəş karde: əqə Azərbaycan Respublika tərəfo ın ko əncom bıbu, İrəvon həm bə i bıə milləton təşkiloti əmniyət şura ıştə şikoyəti bəbarde.
Tojədən çı Azərbaycan Respublika mədəniyət vəziri Ermənistonış mıttəhəm kardə ki mınoğişə vırəonədə bıə torixi binaon vəziyəti bə Albaniya mədəniyəti əsos əvəzış kardə.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
