İroni ticorət təşkiloti avropa iyən amerkə şobə rəis elanış karde ki nakonə sazişon bə vırə rosniyeyro İroni sənaye vəzir, İroni ticorət inkişofi yol və de əvon bə ico bıə heyət bınızonədə bə İrəvon səfər bəkan.

Bə İrna raporti əsos, Muhəmməd Rıza Kərimzodə votışe: Martə manqi 3 iyən 4 minnə rujonədə bıə səfəri çərçivədə İron və Ermənistoni heyət muxtəlif İğtisodi, ozodə məntəğədə bıə ticorət, məhsulon vırə bə vırə karde, nəğliyot və bə ticorət anqıl bıə co məsələon barədə sıhbət bəbe.

Əv təsdığış kardə: İroni sənaye vəzir və Ermənistoni iğtisod vəziri miyono bıə dəvardə sori mulağatədə bo ticari əloğəon inkişofiro çandə sazişon imzo bıə ki əvoni bə vırə rosniye çərçivədə ısət İroniku dəvət bıə ta ıştə ticori-iğtisodi heyəti Martə manqi 3 və 4ədə bə Erməniston bıvığandi.

İroni ticorət təşkiloti avropa iyən amerkə şobə rəis Muhəmməd Rıza Kərimzodə  ijən votışe: İroni ticori heyət de əncom doə həmohənqion vositə və həminə sazişon xususi ticarət baxşədə məhsulon tranzitədə hostonəti icod kardeyro de zumandəti omə səfərədə iştirok bəkay.