İroni sənaye, mədən və ticorət vəzir bə Erməniston səfərış karde.

İroni sənaye, mədən və ticorət vəzir bə de İroni ticorət inkişof təşkiloti yol və çandə ticori-iğtisodi fəalon iyən heyəti bə ico Tehron-İrəvoni miyono bıə nakonə sazişon təğib kardey xoto bə Erməniston səfərış karde.

Rıza Fatemi Əmin de Telerədio aqentiyəti mısohibədə votışe: Həminə səfərədə bə mıştərik sərmoyə noe bərnamon işorə bəbe ta İroni şirkəton kardı bəznon Ermənistonədə bəştə fəaliyəton dəvom bıdən ta ın kişvər bə istihsol və sadırati vırə əvəz bıbu.

Fatemi Əmin çı İron və Ermənistoni iğtisodi yande komiləkə bə hisobış vardə ki muxtəlif baxşonədə xususi texnoloqiya baxşədə bə yande komək kardey bəznın.

Əv təkidış karde: de Erməni rəsmi şəxson muzakirə kardey iclosonədə çı İroni iğtisodi fəalonku həm huzurışone ki 2 tərəfi həmkarion barəd muzakirə bəbe.

İroni sənaye, mədən və ticorət vəzir əlovəş karde: de hamsuyə kişvəron əloğəon inkişof doe İroni dıvləti əsos siyasətonin ki tojə manqonədə de Omman, Ğətər, Suriyə, İ Bıə Ərəbə Əmirətion və Ermənistoni çı ticori-iğtisodi həmkarion barədə tojə muğavilə və fəaliyəton bə nav şedə və səy-cəhdon bıə.