Ğərəbaği məntəğədə Ermənistanı hərbiyə ğıvvonku 2 nəfər kıştə və yarəjə bən.
Azərbaycan Respublika mudafiyə vəzorətxonə elanış karde Ğərəbaği munağişə bıə məntəğədə zinə daveonədə qıləy erməniyə hərbi kıştə və cokəs həm yarəjə bə.
Bə İRNA xəbon əsosi Azərbaycan Respublika mudafiyə vəzorətxonə ıştə hozzı kardə məlumatdə Ğərəbaği munağişədə bıə məntəğə vəziyyəti problemin beku xəbə dodə ki bə Azərbaycan Respublika hərbiyə ğıvvon Ermənistanı hərbiyə ğıvvon hucumon nəticədə təşkil bə.
bə Azərbaycan Respublika mudafiyə vəzorətxonə elanon əsosi çı məmləkəti hərbiyə ğıvvon ım daveədə tələfatışon bə ni.
Ğərəbaği munağişə 1988 nə sori bə Azərbaycan Respublika zid ermənistanı ərazi idda bəpeştə təşkil bə.
erməni və azəriyə ğıvvon dave nəticədə Azərbaycan Respublika Ğərəbaği məntəğə iyən çəy ətrofədə bıə 7 qılə şəhr ermənistanı ğıvvon tərəfiku işğal bedən.
